‘A escola de Doloriñas’, que segundo a experta e crítica de arte e literatura María Fidalgo Casares é xunto con ‘Comida de bodas en Begantiños’ de Álvarez de Sotomayor o mellor cadro da historia da pintura galega, cumpriu 80 anos. Foi no ano 1941 cando a súa autora, Xulia Minguillón, recibiu por esta obra a Primeira Medalla de Ouro na Exposición de Belas Artes, converténdose na primeira e única muller á que lle outorgaron tal galardón.
O cadro representa o interior dunha escola de aldea, das chamadas escolas de ferrado, que estaba en Vilapol, unha aldeíña moi preto de Vilanova de Lourenzá, onde os pícaros da contorna aprendían as primeira letras coa mestra Dolores Chaves Vizoso.
Xulia Minguillón, aínda que nada en Lugo, criouse en Vilanova de Lourenzá onde seu pai rexentaba a botica da Vila. E de Lourenzá sacou moita da temática que inspirarou a súa obra, tanto de retratos como de paisaxes. Sempre tivo un especial cariño polas terras laurentinas da súa infancia, pintando as súas casas de labranza, a neboeira baixando paseniñamente da serra da Cadeira, os seráns cando os últimos raios do día baten cos muros da vella abadía cinguidos dos tellados pizarrentos da Vila…
Co gallo deste oitenta aniversario, a activa Asociación Patrimonio Laurentino, que de forma tan exitosa está dinamizando o ambiente cultural laurentino, organizou, xunto co Concello, unha xornada adicada á pintora. Nos días anteriores xa penduraban en varios balcóns de casas das rúas de Vilanova reproducións de obras tan emblemáticas como: “A miña familia”, “O caserío”, “Vacas”, “Tyla e eu”, “Atardecer na vila”, “A Escola de Doloriñas” …
O sábado, día 28 de agosto, tivo lugar o acto principal no claustro de mosteiro de S. Salvador. Despois da presentación por parte de Fina González e da alcaldesa Rocío López disertaron sobre a vida e obra da artista, Aurelia Balseiro, directora do Museo Provincial de Lugo e María Fidalgo Casares, doutora en Historia da Arte e membro da academia andaluza de Historia; esta crítica de arte e literatura destacou de Xulia Minguillón o seu extraordinario talento para a pintura dentro dun estilo propio e definido, onde destaca a súa sensiblidade paisaxística moi enmarcada na identidade galega; conseguindo o seu obxectivo de dar unha conferencia amena e divulgativa, pero á vez coa erudición e altura que merece a obra da artista lucense. Pecharon o acto a presidenta da Asociación Patrimonio Laurentino, Remedios Gallo, e os acordes da charanga Carapaus
Na actualidade ‘A escola de Doloriñas’ pertence ao Museo Nacional Centro de Arte Raíña Sofía e, despois de recorrer distintos museos españois, europeos e americanos, hoxe está depositada no Museo Provincial de Lugo presidindo nun lugar de honor a sala monográfica adicada á artista.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
