A Mariña, 8 de setembro, 2021. No BOE nº 197, do 18 de agosto de 2021, publicouse o Anuncio da Área de Industria e Enerxía da Delegación do Goberno en Galicia polo que se somete a información pública o estudo de impacto ambiental e a solicitude de autorización administrativa previa do parque eólico Borrasca de 84 MW e a súa infraestrutura de evacuación na provincia de Lugo.
O parque eólico BORRASCA, promovido pola mercantil GREENALIA WIND POWER BORRASCA S.L. constaría de 15 aeroxeradores para unha potencia conxunta de 84 MW, unha subestación e unha liña de alta tensión de evacuación até Xove.
Os aeroxeradores que se pretenden implantar alcanzarían a altura de 180 metros (a maior cheminea de Alcoa na factoría de San Cibrao chega aos 145). Irían situados, 10 deles, no cumio dos montes entre Cornería e o monte de Oirán, nos límites entres os concellos de Lourenzá e Mondoñedo con Foz, e os 5 restantes irían entre Santa Cilla e o Pico da Lebre no concello de Foz. Ambas partes estarían comunicados por unha liña eléctrica soterrada. A poligonal afecta a unha superficie de 4,809 Ha. dos concellos Barreiros, Lourenzá, Mondoñedo e Foz.
Trátase dun macroparque eólico dunhas dimensións totalmente desproporcionadas, en tanto que afecta a un ámbito xeográfico moi extenso e que vai afectar negativamente a un grande número de veciños e veciñas. Entre os efectos adversos da implantación dunha estrutura das dimensións da proposta poderíanse destacar, so a modo de exemplo: perda de valor das propiedades, terreos e casas, ruído, risco de accidentes, efecto discoteca, perda de calidade paisaxística e, en xeral, empobrecemento do medio rural onde vivimos. Innegables efectos negativos vai ter tamén en actividades económicas das que se desenvolven na zona, nomeadamente a agricultura e gandería, a actividade forestal e o turismo.
A publicación nos Diarios Oficiais resulta a primeira é única notificación recibida por parte dos moitos veciños/as afectados/as nas súas propiedades, e os afectados de forma “indirecta”, considerando como tales os que non teñen terreos onde se enclaven elementos do parque, pero que van a sufrir igualmente os seus efectos adversos.
Por iso, facemos un chamamento á veciñanza e ás corporacións dos concellos afectados para que estuden e difundan o proxecto e os seus efectos, presenten as alegacións pertinentes no trámite de exposición pública e nos mobilicemos para rexeitar este novo capítulo de apropiación polas grandes empresas dos nosos recursos sen achegar nada a cambio.
Unha enerxía abondosa e limpa coma a do vento debera servir para o autoabastecemento da nosa comarca e non para o espolio e o enriquecemento dos oligopolios do Estado. Desde o SLG entendemos que este é un novo exemplo de intento de apropiarse dos recursos para o único beneficio do capital extrativista.
O Sindicato Labrego Galego vai promover a presentación de todas as alegacións que a veciñanza estime pertinentes e convocará asembleas informativas, e a tal fin vai destinar os recursos técnicos e humanos necesarios.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
