Viveiro, 25 de setembro de 2021. O PP da provincia de Lugo insiste na necesidade dunha fronte común para defender o emprego e o futuro industrial da Mariña. Así o reivindicou a presidenta provincial, Elena Candia, tras participar na concentración de apoio aos traballadores de Vestas e do futuro da Mariña, que se celebrou en Viveiro e que contou coa presenza do portavoz local, Óscar Rodríguez; o deputado autonómico José Manuel Balseiro, o alcalde de Vicedo, Suso Novo; e o portavoz popular en Ourol, José Hermida; entre outros representantes do PP.
Candia sinalou que “o Partido Popular estará sempre ao carón dos veciños da Mariña e, polo tanto, dos traballadores que o único que piden é poder traballar na súa propia comarca. Non se entende a decisión de Vestas de pechar a fábrica cando é rendible e competitiva e, polo tanto, require xustificación”.
A popular considerou “inxusta para os traballadores, as súas familias e tamén para toda A Mariña” a decisión da empresa de pechar a súa actividade na fábrica de Chavín e “despiadado” o anuncio a través dos medios antes de comunicar a decisión aos propios traballadores.
A dirixente do PP provincial apunta á “errada política enerxética” do Goberno de Pedro Sánchez que “afecta tanto aos cidadáns coma ás empresas” e que “deriva no desmantelamento industrial da comarca da Mariña” como demostra este anuncio de peche que afectaría a máis dun centenar de traballadores dunha empresa vinculada, precisamente, ao desenvolvemento de enerxías renovables”.
“A falta de confianza nas políticas do Goberno socialista en materia de transición enerxética lévannos a estas situacións incoherentes”, condena. E, igualmente, lamentan dende o PP “a fobia nacionalista contra os eólicos porque trae estas nefastas consecuencias para o emprego nunha comarca xa afectada pola crise de Alcoa”.
A este respecto, lamentan a “falta de implicación” do Goberno de Sánchez que se atopa “ausente”. Á falta dun marco enerxético que lle permita producir de forma rendible, súmase “o desentendemento do Goberno socialista á hora de negociar a venda da planta, tal e como explicaron os traballadores recentemente da ausencia de contacto co Goberno”.
Compromiso da Xunta, Goberno ausente
Fronte ao desentendemento do Goberno de Sánchez que “mira para outro lado”, a Xunta traballa da man dos traballadores afectados. “Xa o fixo con Alcoa participando nas mesas multilaterais co obxectivo de atopar unha solución para garantir o emprego e a actividade da única planta de aluminio primario en España. Agora tamén se comprometeu cos traballadores de Vestas para desenvolver un traballo conxunto para identificar as posibilidades de cara ao mantemento do emprego”.
O vindeiro luns o conselleiro de Economía, Empresa e Innovación recibirá ao comité de empresa na Delegación Territorial da Xunta en Lugo. “Agardamos que os representantes do Goberno de Sánchez se sumen á xuntanza e se impliquen para reverter a situación”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
