Ribadeo, a 1 de setembro de 2021. O voceiro do Grupo Municipal Popular de Ribadeo, Daniel Vega, explica que “a Xunta de Galicia xa achegou ás asociacións de veciños de Rinlo, A Rochela, Cubelas e Vilaselán o diñeiro correspondente ás axudas para a mellora das escolas; pero os veciños atópanse cun problema: o Concello non concedeu de momento as licenzas para dar inicio ás obras”.
“Despois de todo o traballo que fixeron as distintas asociacións do rural de Ribadeo”, Vega condena a falta de colaboración por parte do goberno do BNG ao que lle pide “que se poña a traballar e que conceda as licenzas” porque “estas obras son moi necesarias tanto en Vilaselán como en Rinlo como en Cubelas; e noutras parroquias onde tamén están en situación de abandono”. No caso da Rochela, onde a escola é de titularidade dos veciños, o goberno local concedeu a licenza cobrando unha taxa municipal de 400 euros. “Onde non cobran unha barbaridade, non conceden a licenza: poñen paus nas rodas”, di o voceiro do Grupo Municipal Popular.
Vega detalla a situación de cada centro social: “en Vilaselán teñen problemas na cuberta que provocan humidades nas paredes e tamén precisan renovar as ventás e dotar á escola dun acceso axeitado para todas as persoas. O mesmo problema presenta a escola de Rinlo onde chove dentro debido ao mal estado da cuberta e que ten problema tamén de acceso. No caso da parroquia de Cubelas, a escola está totalmente abandonada: por non ter non ten nin ventás. Isto é a realidade”, advirte.
“Poñen paus nas rodas porque non lle interesa que a Xunta invista en Ribadeo”
Ante esta situación, “os veciños dirixíronse ao goberno local do BNG pedíndolles que se investira na mellora destes espazos, pero fixo oídos xordos”. Polo tanto, os veciños pediron unha subvención á Xunta e a Xunta aprobouna.
O popular considera que “isto demostra que non interesa que a Xunta invista en Ribadeo” e iso repercute negativamente nos veciños e veciñas. “Parece que molesta que o noso Grupo apoie aos distintos colectivos das nosas parroquias”, engade.
Vega destaca que “noutros lugares onde a Deputación vai dar comezo a obras nas escolas non van poñer problemas” segundo o popular porque “é un goberno PSOE-BNG, un goberno amigo”. Polo tanto, para o popular esta actuación cuestiona o “talante democrático deste goberno do BNG e o seu dirixente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
