Ribadeo, 6 de setembro de 2021. O Concello de Ribadeo asinou hoxe os convenios para a concesión de subvencións nominativas a once clubs deportivos. O montante ascende a preto de 46.000 euros. O acto, celebrado no salón de plenos do Concello, contou coa presenza do alcalde, Fernando Suárez, do concelleiro de Deportes, Jorge Díaz, e do técnico de Deportes, Iván López.
O edil de Deportes explicou que “desde a Área de Deportes vimos de asinar o convenio das subvencións nominativas a once clubs de distintas especialidades que corresponden a 2021. Este ano, a cantidade global para estes once clubs é de 45.900 euros, case de 46.000 euros de subvencións nominativas. Hai que recalcar tamén que hai outra bolsa, xa que hai clubs que non entraron por distintas cuestións, de 5.500 euros que van a concorrencia ou a eventos. Esa sería outra liña que hai que sumar á cantidade total deste ano para todas as subvencións deportivas”.
O concelleiro ribadense considera que “é unha cantidade interesante, unha aposta como sempre do Concello polo deporte e por apoiar a estes clubs que todos os anos fan ese esforzo, día tras día, para que os nenos e nenas poidan desenrolar o deporte e competir, que non é o principal pero está nesa liña. De todas estas axudas nominativas poden pedir un anticipo do 80% e o outro 20% cando estea xustificada a subvención”.
Jorge Díaz Freije engadiu que “hai uns prazos así que dicirlles aos clubs que miren ben o convenio e se hai algunha dúbida teñen na Concellaría de Deportes e en Intervención aos técnicos a disposición deles. A ver se este ano se vai normalizando un pouco a actividade deportiva para que todos os clubs poidan desfrutar e competir como se viña facendo ata antes do covid. Pedimos, ante todo, moita prudencia tanto en adestramentos como en competición atendendo sempre ás normas sanitarias”.
O concelleiro de Deportes subliñou que “un ano máis o Concello segue apostando por estas entidades que o están a facer ben dentro das posibilidades e queremos darlles a noraboa para seguir con este traballo e dicirlles que o Concello vai continuar apoiando todas as iniciativas deportivas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
