Foz, 16 de setembro de 2021. O Concello de Foz está a traballar nas alegacións ao parque eólico Borrasca, promovido pola industrial Greenalia e que afecta de forma moi significativa ao municipio.
O alcalde de Foz, Fran Cajoto, informa do estudo “que están a facer un gabinete xurídico e outro técnico especializados en parques eólicos, co fin de presentar un documento de alegacións serio e responsable. Traballamos sempre de forma seria e responsable. Hai un período de alegacións aberto a un proxecto de parque eólico de gran impacto no noso concello, especialmente para as parroquias de Vilaronte e San Martiño. Hai barrios, como Vilela ou A Hermida, nos que os aeroxeradores estarían moi preto das casas, a pouco máis de 500 metros, unha distancia moi escasa dada a altura dos muíños, que chega aos 180 metros”.
O rexedor municipal engade: “partimos de que a enerxía eólica é limpa, de futuro e que hai que promover. O vento é unha alternativa rendible e viable a unhas centrais térmicas e nucleares, que están desaparecendo. Pero non a calquera custo e non a costa da saúde e dos intereses das veciñas e veciños do noso concello. Ademais doutras posibles afeccións, como a zona de Especial Protección de Aves (ZEPA) da Ría de Foz, a nosa principal preocupación estriba na reducida distancia ás vivendas, tendo en conta as dimensións dos aeroxeradores proxectados, e que poderían provocar molestias intensas de ruídos e afección paisaxística. En comunidades autónomas como Baleares, Asturias, Cantabria, Navarra ou a Comunidade Valenciana a distancia mínima a un núcleo poboado é de un quilómetro, o dobre que se esixe en Galicia. Isto é o que temos que coidar, a calidade de vida de veciñas e veciños”.
Fran Cajoto explica que “partindo desa premisa o goberno municipal encargou a dous gabinetes especializados (Surco Consulting SL para a parte xurídica e Nergetia Consultoría y Proyectos Energéticos para a parte técnica) a redacción dunhas alegacións técnicas, ben fundamentadas, que eviten un impacto negativo que ninguén quere en zonas poboadas de especial valor ambiental. Xa o fixemos coas alegacións ao proxecto de espigón da praia do Altar, elaboradas por Aquática Enxeñería, un traballo honesto, serio e responsable. Estamos para defender os intereses do concello e vámolo a seguir facendo, fóra de liortas políticas. Estaremos sempre vixiantes, estudando e analizando todos os documentos técnicos, traballando polo noso pobo”.
O alcalde de Foz informa tamén que houbo dúas publicacións do proxecto, no Boletín Oficial do Estado do 18 de agosto e no Boletín Oficial da Provincia do 24 de agosto. “Tendo en conta esta segunda publicación o período de alegacións de 30 días hábiles estendese ata o 5 de outubro, que se poden presentar na Delegación do Goberno en Galicia, na Coruña, ou nas formas que establece o artigo 16 da lei 39/2015”.
O proxecto pode consultarse na seguinte url: https://ssweb.seap.minhap.es/almacen/descarga/envio/712bb3a0102dbc08e0ed1773dc700158634e1ab5
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
