Santiago de Compostela, 21 de setembro, 2021. A viceportavoz do BNG, Olalla Rodil avanzou os asuntos que o BNG defenderá no vindeiro pleno no Parlamento galego entre os que salientou, o peche da empresa Vestas, crear unha comisión de investigación sobre as causas do baleirado dos encoros galegos polas eléctricas, Iberdrola e Naturgy e compensar a Galiza polo seu carácter produtor de enerxía ante a escalda histórica do prezo da luz.
Rodil lembrou que a empresa Vestas en Viveiro, produtora de aeroxeradores para a instalación de parques eólicos anunciou o seu peche para final de ano e deixa sen emprego a 115 traballadores. Agora é Vestas, dixo, pero antes foron Siemens -Gamesa , nos seus centros de operacións de Naturgy na Coruña e Iberdrola en Valdeorras.
Para a deputada, resulta inconcibible que un país que produce electricidade “a esgalla” e que exporta o 30% da electricidade continúe ameazado de norte a sur e de leste a oeste por ducias de novos parques eólicos, mentres pechan empresas vinculadas co sector e que anuncian a apertura de centros de investigación e desenvolvemento en Portugal.
O vindeiro mércores, engadiu a nacionalista, os traballadores e traballadoras traballadores de Lácoa deciden unha folga e novas mobilizacións, tras dous anos sen unha solución para a fábrica de aluminio en San Cibrao, entre outras s polo prezo da enerxía. Para a deputada, estas son as consecuencias “dun modelo enerxético succionador, de espolio, que explota os recursos naturais galegos para enriquecer o oligopolio eléctrico”, sen retorno económico para Galiza. “A sangría industrial” que se esa a producir en Galiza, ten, en opinión da deputada, “un responsábel”, a Xunta de Galiza.
“Urxe un cambio de modelo que permita ás galegas e galegos beneficiarse da produción eléctrica de Galiza e garanta retorno económico e postos de traballo”. Neste sentido, asegurou que “hai alternativa” e o BNG aposta pola creación “dunha empresa galega e pública de enerxía” semellante ás que existen noutros país como a EDF en Francia, ENEL en Italia, Verbund en Austria ou Vattenfalle en Suecia ás que sumou as de Irlanda, Países Baixos, Suíza ou Alemaña.
Nesta liña, o BNG defenderá no vindeiro pleno unha Proposición non de lei para reformular o actual canon eólico para que grave a potencia instalada e substituílo progresivamente por un novo modelo de participación pública. Que a riqueza que xera Galiza reverta no desenvolvemento social e económico do país con máis recursos económicos para os servizos públicos e creación de emprego, así como vincular as novas instalacións de produción eléctrica a Plans de desenvolvemento industrial e valorar os proxectos tendo en conta a construción de compoñentes e subministros no noso país.
Comisión de investigación polo baleirado dos encoros
Rodil tamén aludiu á solicitude do BNG para crear unha Comisión de investigación co fin de analizar as causas, consecuencias e responsabilidades do abrupto baleirado de encoros e medidas de compensación.
É imprescindíbel, recalcou a deputada, investigar o que aconteceu, as consecuencias ambientais sobre os ríos, a fauna e depurar responsabilidades “na empresa, no Goberno español como responsábel da bacía Miño-Sil e na Xunta porque estaba informada do baleirado e non fixo nada”.
Na quenda de preguntas de control ao goberno, a portavoz do BNG preguntará que medidas vai adoptar o presidente da Xunta de Galiza ante o Goberno do Estado para defender os intereses de Galiza, porque as “decisións que tomemos agora marcarán as próximas décadas e determinarán a posición de Galiza diante dos enormes retos que temos por diante”, explicou Rodil.
“A Xunta, recalcou a viceportavoz nacionalista, en vez de buscar solucións ao peche de Alcoa San Cibrao e de Vestas; ao esfarelamento do sector naval en Vigo ou Ferrolterra; á suba da factura da luz … o único ao que se dedica é “a buscar a quen botarlle a culpa”.
Un presidente da Xunta que di non ter competencias é un presidente “incompetente, e un presidente inútil” para Galiza.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
