Burela, a 28 de setembro de 2021. O portavoz do Grupo Municipal Popular de Burela, Manuel Rouco, asegura que “quen mestura as cousas e trata de confundir á veciñanza, unha vez máis, é o alcalde Llano”. Así o manifestou tras coñecer as súas declaracións en relación á sentenza que condena ao Concello a indemnizar con máis de 40.000 a unha traballadora xubilada por incapacidade permanente e total recoñecida polo Instituto da Seguridade Social e nas que di que o Partido Popular malinterpreta as cousas, que non hai sentenza e que o xuízo é en novembro”.
O popular aclara que “houbo un xuízo no Xulgado do Social de Lugo o 9 de setembro deste mesmo ano e a sentenza que citamos dende o PP asinouse o 22 deste mesmo mes” despois de que a traballadora xubilada presentara demanda ante o Xulgado do Social nº2 de Lugo a finais de maio do presente ano “tras dirixirse ao Concello ata en dúas ocasións solicitando a bonificación á que fai referencia o artigo 73 do convenio colectivo do persoal do Concello de Burela sen obter ningunha resposta por parte do alcalde”.
“Descoñecemos os motivos polos que o alcalde decidiu ignorar a súa petición sen ter respondido sequera á solicitude da afectada que reclamaba a indemnización que legalmente lle corresponde”, segundo apunta Rouco. “De terse atendido no seu momento, evitaría este conflito”; pero, “lamentablemente, dende o Grupo Municipal Popular estamos acostumados porque este é o proceder habitual do alcalde ao longo deste mandato”.
O popular desmonta tamén as escusas do alcalde socialista que alega que isto é culpa da Lei Montoro. “É radicalmente falso porque existe unha sentenza do Tribunal Superior de Xustiza de Galicia (TSXG) do 7 de setembro do 2020 neste sentido e outra do Tribunal Supremo do 14 de marzo do mesmo ano onde se lles recoñece aos traballadores xubilados por unha incapacidade permanente total a aquelas indemnizacións ás que poidan ter dereito derivadas dos convenios colectivos de aplicación nos seus ámbitos laborais”.
“Isto é o que ocorreu neste caso e, polo tanto, o Partido Popular de Burela, unha vez máis, fala coa absoluta certeza dos feitos probados”, incide Rouco.
Policía Local
O voceiro do Grupo Municipal Popular burelés explica que “coas súas declaracións sobre a Policía Local, o señor Llano volve demostrar a súa absoluta falta de traballo. Efectivamente hai un convenio asinado entre o Concello de Burela e a Academia Galega de Seguridade para que esta faga os procesos selectivos para cubrir os postos vacantes na Policía Local; pero, por si só, non chega a nada. É un convenio marco para que a Academia Galega de Seguridade convoque os procesos selectivos; pero o alcalde ten que comunicarlle por escrito cantas prazas queren crear para este ano ou para o que vén e solicitarlle que as inclúa nos procesos selectivos que poña en marcha. Por moito que o señor Llano diga ou anuncie, a forma correcta de tramitar este asunto é coa correspondente solicitude”.
O Grupo Municipal Popular tenlle solicitado documentación ao Concello para coñecer se o alcalde así o fixo, “pero aínda non nos respondeu. Este é un indicativo de como está a situación; a pesar de que leva sei anos anunciando a creación das prazas de Policía Local”.
“O alcalde cobra por non saber do que fala e non facer nada en absoluto”
Rouco conclúe dicindo que “o señor alcalde non sabe do que fala ou non quere saber o que significa que non traballa ou non le os papeis que lle pasan, o que non nos sorprendería en absoluto. O que si é molesto é que este señor estea a cobrar máis de 45.000 euros ao ano por non saber do que fala e non facer nada en absoluto e, aínda por riba, trate de enganar aos veciños e veciñas de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
