Ribadeo, 2 de setembro de 2021. A Concellaría de Turismo fai un balance moi positivo do verán 2021 no que as oficinas de turismo da vila e das Catedrais recibiron a máis de 74.000 persoas. Ribadeo colgou o cartel de completo e rexistrou unha ocupación hoteleira do 95 ao 100%. O edil, Pablo Vizoso, subliñou que o Concello fixo unha fortísima aposta polo turismo de calidade e ofertou o maior número de visitas guiadas e Xeorutas de toda a súa traxectoria.
A concelleiro de Turismo indicou que “as oficinas de turismo do Concello de Ribadeo recibiron case 75.000 viaxeiros durante os meses de xullo e agosto. Na oficina de turismo da vila, que abriu durante todos os días do mes con horario de mañá e de tarde, contabilizáronse case 14.000 viaxeiros en agosto e no punto de información turística da praia das Catedrais rexistrouse un cómputo de case 19.000 consultas. Segundo os datos que se rexistran nestas dúas oficinas, compróbase que segue a alza a tendencia de persoas que pernoctan en Ribadeo e que consultan nas nosas instalacións”.
Vizoso Galdo explicou que “despois de analizar os datos da sondaxe realizada entre os establecementos hostaleiros de Ribadeo concluímos que a ocupación deste mes de agosto estivo a piques de acadar o cen por cen. En canto ás procedencias hai que dicir que destaca que o turismo principalmente nesta ocasión foi estatal e que Madrid segue a ser o emisor maioritario con case 11.000 persoas, seguido de comunidades como Cataluña, Andalucía, Comunidade Valenciana e Euskadi. Con respecto ao turismo internacional, evidentemente nótase un descenso froito das circunstancias actuais, pero como dato gustaríame resaltar o aumento de viaxeiros procedentes de Portugal e Italia, que duplica practicamente o rexistrado en anos anteriores e que case ven igualarse aos procedentes doutros estados como Francia, que segue a ser o principal emisor”.
O edil ribadense dixo que “no tocante ao turismo organizado, temos que dicir que se rexistraron un total de 24 grupos que acudiron a solicitar información ás nosas oficinas durante este mes de agosto. Consideramos que é un dato moi positivo xa que nos indica que se volve recuperar esta parte do sector tan afectada no seu momento”.
Camiño de Santiago
Pablo Vizoso seguiu a relatar que “se nos centramos no Camiño de Santiago, o Concello de Ribadeo fixo un enorme esforzo nesta edición para realizar a mellor acollida aos peregrinos que escollen este Camiño Norte como vía de peregrinación. Así creouse a oficina de atención ao peregrino, púxose a andar o proxecto Ribadeo prepara o teu Camiño e mantívose aberto o santuario da Nosa Señora das Virtudes. A oficina de información ao peregrino recibiu case 2.000 viaxeiros no seu período de apertura, dende o 16 de xuño ata o 31 de agosto. O punto de información da Nosa Señora das Virtudes atendeu a un total de 260 visitantes neste mesmo período. En canto á procedencia de peregrinos, os datos reflicten que é variada, o 90% é estatal e destaca a Comunidade de Madrid, seguida de Andalucía, do País Vasco, Castela e León, Cataluña e Aragón. En canto aos peregrinos estranxeiros, sempre tomando datos do rexistrado na oficina de información ao peregrino, temos que dicir que a principal procedencia foi de Francia, seguida de Italia, Alemaña e Estados Unidos”.
O concelleiro de Turismo considera que “as visitas guiadas e a creación da guía de ocio foi un total acerto porque, cun total de dez percorridos guiados tanto naturais como culturais, Ribadeo ampliou a súa oferta de actividades, iso xunto coa publicación dunha nova guía de turismo activo, denominada RibadeoXVivo, que recolle toda a información relacionada coas empresas de lecer e coas actividades de ocio e tempo libre que operan no noso concello, converténdonos nun destino cheo de posibilidades e que ten unha clara e forte aposta por este sector”.
O edil nacionalista subliñou que “a desestacionalización segue a ser outro dos nosos obxectivos, dese xeito desde esta Área de Turismo proxectáronse, por primeira vez, numerosas actividades para que os viaxeiros e as persoas que nos visitan teñan a súa axenda repleta de actividades que realizar. Deste modo, desde o Concello de Ribadeo lévase a cabo un novo proxecto, denominado SetembroXNatural, que inclúe unha serie de actividades que xiran arredor do desfrute dos nosos espazos naturais como pode ser a Ría de Ribadeo, a rasa costeira, as nosas praias e o Camiño de Santiago a través da colaboración e da man de diferentes empresas e profesionais. Inclúese nesta relación, máis de media ducia de xeorutas polos cantís de Ribadeo, que nos dan unha visión xeolóxica da nosa costa, as visitas guiadas pola natureza coas que pretendemos potenciar a Senda Azul e o Camiño Natural do Cantábrico, o Camiño de Santiago co gallo da celebración do Ano Xacobeo e o Ribadeo 4×4, que nace da colaboración con Acisa”.
Pablo Vizoso dixo: “quero agradecer o traballo do persoal das oficinas de turismo e tamén do alumnado do obradoiro de emprego, que resulta fundamental para o bo funcionamento das oficinas e da atención aos nosos visitantes. Tamén quero agradecer todo o esforzo que leva realizando o sector privado nestes meses porque entendo que entre todas e todos contribuímos a que Ribadeo sexa un destino turístico de referencia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
