Lugo, 10 de setembro de 2021. A presidenta do PP lucense e candidata a revalidar o cargo, Elena Candia, continúa coa súa campaña de cara ao 18º Congreso provincial e, unha vez designados os compromisarios electos, comezou en Lugo as reunións cos da zona centro da provincia aos que lles agradeceu o seu interese por participar no cónclave. Candia adiantou as principais ideas do comunicado-relatorio que conforma as bases para construír o proxecto do PP para a provincia: “un proxecto apoiado na vontade de diálogo e no traballo a favor do benestar da sociedade lucense, do seu progreso económico, social e tecnolóxico garantindo a igualdade de dereitos entre os lucenses das zonas urbanas e o rural”.
A popular apuntou que “o noso obxectivo é gobernar na cidade de Lugo e na Deputación de Lugo. A xente na rúa pídenos cambio” e, polo tanto, “é a nosa responsabilidade materializalo”. Para iso aposta por “traballar dende a humildade e de forma próxima aos veciños para consolidar a alternativa que constitúe o Partido Popular da provincia, o que máis se parece aos lucenses”.
Candia lembrou que “o Partido Popular foi a forza máis votada no conxunto da provincia nas municipais do 2019, a un deputado da maioría absoluta na Deputación. Tamén na cidade de Lugo, o PP foi a forza política que recibiu máis apoios subindo incluso a porcentaxe de votos”. Aínda así, “non debemos relaxarnos en ningún dos concellos”, apuntou. “Temos que esforzarnos para sumar en todos, tanto nos concellos máis grandes coma nos máis pequenos”. A popular avogou, neste sentido, por “seguir escoitando e atendendo as demandas dos lucenses sendo sensibles coa súa realidade”.
Nese sentido, convidou aos compromisarios a traballar de forma comprometida de cara aos vindeiros comicios locais: “o equipo integrado polos compromisarios ten que ser o xerme de traballo cara as municipais 2023”, aseverou a popular subliñando que se trata dun equipo “cuantitativa e cualitativamente representativo e moi importante”.
O PP intensificará a súa presenza nas rúas da cidade de Lugo
O presidente local do PP de Lugo, Ramón Carballo, agradeceu tamén a todos os compromisarios o seu compromiso e as súas ganas por participar neste Congreso: “é ilusionante recuperar a normalidade e volver a xuntarnos tras uns meses tan duros onde o contacto directo, que tanto nos gusta aos do Partido Popular, quedou relegado a unha mínima expresión”.
Carballo avanzou que nesta nova etapa post-pandemia se van intensificar as accións na rúa. Dando resposta á petición da presidenta provincial, “estaremos en primeira liña as 24 horas para que os lucenses nos visibilicen como a alternativa a un bigoberno que maquilla a realidade e que prioriza os intereses de partido por riba dos intereses dos cidadáns”.
“O noso obxectivo é presentar iniciativas encamiñadas a reparar os danos económicos e sociais provocados pola covid-19 e que pasan por implementar unha nova política fiscal, revitalizar o comercio, impulsar a actividade turística e liderar o desafío dixital xunto coa planificación de accións que axuden a fixar o talento e creen oportunidades”, manifestou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
