Lugo, 2 de setembro de 2021. Elena Candia, proclamada única candidata a presidir o PP da provincia de Lugo despois do 18 Congreso, centrará a súa campaña en tres accións: “o recoñecemento á fidelidade, o apoio e a confianza dos afiliados da base; reunións de traballo abertas á militancia naqueles concellos estratéxicos e con menos representación e encontros con todos os compromisarios por comarcas”. Tamén se reunirá con concelleiros de xuventude de distintos Concellos e cos responsables do PP en cada distrito da cidade de Lugo.
A actual presidenta e candidata a revalidar o cargo o vindeiro domingo 19 de setembro, iniciou este xoves os actos de campaña cunha reunión cos tres afiliados máis veteranos do Partido Popular da provincia de Lugo, inscritos dende antes de que nacera a propia Elena Candia. A popular quixo recibilos “en sinal de recoñecemento a toda a afiliación que me acompañou estes seis anos aportando moitos coñecementos, experiencia e demostrándome afecto no día a día”. Durante a xuntanza, Candia fixo balance do traballo realizado nestes últimos anos e explicoulles os actos nos que consistirá a súa campaña.
Á última hora deste xoves, manterá outro encontro coas tres últimas persoas en afiliarse para “darlles benvida ao Partido Popular da provincia de Lugo”.
Máis actos
Posteriormente, a vindeira semana, manterá en Meira unha reunión aberta para escoitar á militancia co obxectivo de chegar a “aqueles concellos estratéxicos e onde o Partido Popular conta con menos representación nas corporacións municipais”.
Tamén desenvolverá encontros por comarcas cos compromisarios, aqueles que poderán votar en urna durante a celebración do 18 Congreso provincial. O prazo para que os afiliados inscritos como electores se inscriban como tal para remata o vindeiro mércores 8 de setembro.
Candia quere, así mesmo, escoitar aos responsables das áreas de xuventude nos Concellos da provincia para coñecer máis de preto as accións que están a desenvolver e, por supostos, escoitar as reivindicacións dos mozos e mozas, que son o futuro da nosa provincia”. E tamén se reunirá cos responsables do Partido Popular nos distintos distritos da cidade de Lugo.
“Igual que fixen ata agora, quero seguir traballando e escoitando á militancia porque é fundamental estar ao pé dos veciños para coñecer os seus problemas do día a día e tratar de darlles solución dende as institucións”, dixo.
Elena Candia continuará, así mesmo, a manter reunións cos alcaldes, portavoces e representantes do PP nas distintas institucións onde ten representación seguindo a dinámica habitual de traballo constante durante todos estes seis anos.
Un proxecto de partido, un proxecto para Lugo
Candia traballa “nun proxecto de futuro para a provincia de Lugo” baseado nun decálogo que presentará a vindeira semana e no comunicado-relatorio que baixo o título ‘Un proxecto de partido, un proxecto para Lugo’ se estruturará en varios apartados: economía e emprego, medio rural e sector primario, servizos públicos, infraestruturas, igualdade, política social, sanitaria e medio ambiental e rematará con propostas e reflexións no ámbito da mocidade, educación, cultura e turismo.
A relatora, a deputada autonómica Cristina Sanz, está a manter encontros con axentes e representantes de colectivos e sectores estratéxicos para a provincia -o empresarial, o agrogandeiro, o da madeira, o pesqueiro ou o hostaleiro, entre outros- para recoller as súas ideas e incorporalas a un documento aberto e participativo. Así mesmo, continúa aberto a disposición de calquera veciño da provincia o buzón de suxestións ‘Únete ao noso proxecto’ na web do PP da provincia de Lugo: https://ppdelugo.es/a-tua-opinion.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
