Ribadeo, 21 de setembro 2021. O voceiro do Grupo Municipal Popular de Ribadeo, Daniel Vega, lamenta que “o BNG non ten iniciativa de goberno e vai a rebufo dos veciños e do Grupo Municipal Popular”. É máis, condena que “o goberno municipal do BNG actúe en contra dos intereses locais poñendo paus nas rodas ás inversións da Xunta en Ribadeo e dicindo que non aos veciños. O dirixente do BNG non traballa en beneficio de tódolos veciños; senón que defende os intereses do seu partido”.
Así o manifesta ante o “sorprendente anuncio de investimentos para as escolas das parroquias; despois de que os veciños levan 16 anos reclamando ao Concello melloras e agora que fixeron o traballo en colaboración co Grupo Municipal Popular para solucionar o problema de falta de inversión municipal para mellorar as escolas do rural”.
Vega cre que “o goberno local do BNG actúa de forma perversa” ao “dicir que non constantemente ás inversións da Xunta en Ribadeo” que, nesta ocasión, segundo advirte o voceiro popular, “poden supoñer a perda de máis de 46.000 euros nos locais sociais das parroquias de Vilaselán, Cubelas e Rinlo ao negarse a conceder o permiso de obra para que as asociacións de veciños poidan investir as axudas que a Xunta xa lles ingresou”.
“Primeiro dicía que era fundamental a licenza -como sinalaban para as obras no colexio que tamén é de titularidade municipal-, pero só é necesario un permiso, como nós advertíamos”, engade.
O voceiro do Grupo Municipal Popular considera “totalmente incoherente que o goberno local pida investimento a outras administracións para o arranxo doutras infraestruturas de titularidade municipal; pero que diga aos veciños que non poden xestionar unha subvención para arranxar as escolas; cando traballaron para poñer solución a un problema que levan 16 anos reclamando ao Concello: a colocación de ventás na escola da parroquia de Cubelas, o arranxo da cuberta na escola de Rinlo porque chove dentro, etc”.
Pleno extraordinario
Vega sinala, a este respecto, que “analizaremos todo este asunto nun pleno extraordinario que esiximos que se convoque urxentemente. Queremos que o goberno se manifeste dunha vez por todas para deixarlle aos veciños poñerse a traballar e que tamén eles se poñan a traballar dunha vez por todas”.
Inversións da Xunta en Ribadeo
O voceiro do Grupo Municipal Popular recórdalle ao goberno do BNG a súa responsabilidade para xestionar investimentos e pon algúns exemplos recentes dos investimentos da Xunta en Ribadeo que acreditan que “é falsa a matraca continuada que levamos durante moito tempo escoitando por parte do BNG de que a Xunta non inviste no noso pobo”.
Vega cita, por exemplo, “1 millón de euros para a rehabilitación integral do CEIP Gregorio Sanz, 60.000 euros para a mellora da escola infantil ou os preto de 60.000 euros que a Xunta ingresou xa a catro asociacións de veciños para mellorar as escolas das súas parroquias”. É dicir, “o partido da oposición logrou máis orzamento para Ribadeo que o goberno local”, conclúe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
