Fai dúas semanas preguntabamos ao Concello de Ribadeo sobre temas da súa exclusiva responsabilidade, como licenza de apertura, acceso público e outros misterios da cafetería que saíu á superficie da Illa Pancha en pleno mes de agosto no máis absoluto silencio informativo e publicitario. Tivemos constancia do feito polas redes sociais, e, como sempre, unha vez montada toda a parafernalia e o negocio posto a andar. Con todo, nun correo dirixido ao Concello fai 9 meses xa preguntabamos ao alcalde que estaba pasando en Illa Pancha, por que dúas palas escavadoras de tamaño considerable estaban revolvendo un espazo protexido, pero ese correo, 9 meses despois, segue sen resposta.
Pois ben, mentres esperamos sentados resposta ao novo correo, no caso de que houbese un arranque inesperado de transparencia consistorial, dirixímonos a Puertos para preguntar pola parte que lle toca. Isto é, o estipulado na concesión. Ademais de certas cuestións comúns co correo dirixido ao Concello, insistimos sobre todo no seguinte punto :
« 4º Se as reformas realizadas e elementos añadidos na Illa Pancha (escaleiras, accesos, terrazas, varandas,…) están autorizados nas condicións da concesión, e se realizaron dentro da zona concesionada, dado que, a xulgar polas fotografías publicadas en medios sociais, algún dos elementos semella encontrarse fóra dos seus lindeiros. Concretamente, da a impresión de que un camiño está fóra do terreo concesionado, e mesmo, unha parte da estructura que soporta a terraza. »
En efecto, moitos elementos alleos, novos, que supoñen engadidos privados considerables nunha illa tan pequena, parecen a primeira ollada terse expandido fóra do terreo delimitado pola concesión, o cal, en caso de verificarse, e unido a esta nebulosa anti-informativa, non faría máis que insistir nunha imaxe de okupación tolerada por -xa van dúas- institucións.
Asociación « Por Nuestro Faro »
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
