Cervo, 4 de agosto de 2021. As accións de verán da campaña da Xunta ‘Bye Bye Plástico’ fixeron unha última parada na praia do Torno de San Cibrao (Cervo) para concienciar á poboación sobre o uso responsable dos plásticos e a loita contra o lixo mariño.
O delegado territorial do Goberno galego, Javier Arias, visitou a carpa instalada co fin de contribuír a inculcar na sociedade, especialmente entre os máis novos e de xeito lúdico, a importancia de reducir, reutilizar e reciclar os plásticos.
Este posto, que percorreu durante o verán distintos areais galegos, forma parte das liñas de acción desta campaña impulsada conxuntamente pola Consellería do Mar e a de Medio Ambiente, Territorio e Vivenda.
Deste a carpa anímase á xente a desfacerse do plástico de xeito responsable. Para iso, repártense bolsas coa finalidade de que garden os refugallos deste material xerados durante a xornada, para facer máis visible o seu volume; e convídase a que axuden a coidar a praia enchendo a bolsa dos plásticos que atopen.
Co fin de chegar ao público de xeito lúdico e divertido, tamén se instalou como reclamo unha ruleta con escenas de diferentes poses relacionadas co surf, para que as persoas que o desexen xoguen e repliquen a postura que lles toque nunha plataforma que imita a unha táboa de surf.
Con este tipo de medidas, a Xunta busca transmitirlle á sociedade que reducir o uso do plástico e evitar que acabe en lugares coma o mar é un cometido conxunto de toda a cidadanía.
Participación da xente nova
Arias destacou que as diferentes liñas de acción da campaña Bye Bye Plásticos tratan de calar de forma especial na xente nova, polo que a Xunta reforzou a súa presenza en redes sociais como Tik Tok, Instagram, Twitter e Facebook.
Ademais, tamén se busca a implicación dos centros educativos, aos que o Goberno galego animará a participar nun filme escolar colaborativo cun guión no que cada centro participante poderá xerar a súa parte. Esta iniciativa anunciarase a través das redes sociais e diferentes canles da campaña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
