Lugo, 8 de setembro de 2021. O Presidente da Deputación de Lugo, José Tomé Roca, comprobou as melloras realizadas no local social da asociación de veciños San Sebastián de Carballido, no concello de Alfoz, grazas a unha achega da institución provincial por un importe de 16.645€. Os traballos consistiron na reparación da cuberta e as escaleiras que comunican a planta baixa co primeiro andar.
Tomé Roca estivo acompañado polo Alcalde, Jorge Val Díaz, e o presidente do colectivo alfocense, Jesús Paz Pumares, ante os que destacou a importancia desta actuación, que “mostra a implicación da Deputación cos concellos, pero tamén co tecido asociativo de toda a provincia para que poidan desenvolver mellor a súa actividade”. A asociación de veciños San Sebastián de Carballido é moi activa e está formada por xente nova, “que son o futuro da provincia. As institucións deben estar do lado destas persoas que se involucran co obxectivo de impulsar o rural e recuperar actividades que fagan comunidade”.
Na visita tamén estiveron a Deputada de Réxime Interior, Promoción do Territorio e Turismo, Pilar García Porto, e o Deputado de Promoción Económica e Social, Pablo Rivera, e membros da agrupación.
Esta acción súmase ao compromiso de colaboración da Deputación de Lugo co Concello de Alfoz. A institución provincial financiou a construción dunha nova nave almacén de maquinaria municipal cunha achega provincial de 115.300€ e 4.435 de achega municipal. Esta nave de 350m2, que se atopa en proceso de construción, dará cabida a 2 tractores desbrozadora, 1 motobomba, 1 pala mixta, 1 camión grúa pequeno e 1 vehículo todoterreo. “Na actualidade este municipio non conta cunhas instalacións que permitan gardar a maquinaria en boas condicións para protexelas da intemperie e evitar posibles roubos, que xa se teñen producido”, destacou Tomé Roca.
Colaboración con Alfoz
O Plan Único de Cooperación cos Concellos ten previsto un investimento en Alfoz de 274.404,09€. Está previsto que se leve a cabo a pavimentación de accesos a núcleos urbanos, a ampliación e reforma de instalacións de alumeado público, a rehabilitación da fonte da Grela e a adquisición de materiais de equipamento para a mellora do centro sociocultural xuvenil e da terceira idade do municipio.
Así mesmo, este programa provincial prevé un investimento de case 36.000€ para o Servizo de Axuda no Fogar e máis de 63.000€ para o fomento do emprego. Tamén se levarán a cabo actividades culturais, deportivas para nenos e adultos e a realización de actividades de promoción turística. A Administración electrónica e a protección de datos conta cunha achega de preto de 7.000€.
“Estas cifras demostran o claro compromiso deste goberno co Concello de Alfoz e a súa veciñanza para a mellora dos servizos públicos e, deste xeito, mellorar a vida da xente”, manifestou o Presidente. “Este compromiso con Alfoz tamén se produce co resto de concellos da provincia, porque a prioridade da Deputación de Lugo é colaborar cos Concellos para que poidan ofrecer máis e mellores servizos públicos á cidadanía”, explicou José Tomé.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
