Santiago de Compostela, 23 de agosto, 2021. A portavoz nacional do BNG, Ana Pontón denunciou a situación límite a que está conducindo o goberno do PP á sanidade pública e propuxo un “Plan de choque” que permita un investimento urxente de 200 M€ adicionais para a Atención Primaria e contratar máis persoal e medios, neste servizo.
Para a nacionalista, os continuos recortes do Partido popular están levando ao persoal da sanidade á “extenuación” deteriorando a saúde das persoas e impedindo unha atención axeitada á pandemia. Neste sentido, recriminou a Feixóo “non ter aprendido nada” da pandemia e continuar “cunha política nefasta” baseada na precariedade e expulsando aos profesionais fóra de Galiza.
Pontón cualificou de “indecente” a política do PP que mesmo, dixo, roza “na prevaricación” por non mover un dedo para reforzar a Atención Primaria. Necesitamos “solucións e menos escusas de mal pagador”, enfatizou a portavoz nacionalista.
Para Pontón resulta especialmente alarmante que o deterioro do sistema sanitario se agudice no medio dunha pandemia. Porque se algo nos ensinou a COVID, explicou, é que “a sanidade pública é un piar básico para garantir a vida das persoas e o benestar da sociedade”. Mentres tanto, o goberno do PP de Feixóo, lonxe de aprender das ensinanzas da COVID, continúa coa súa “política de acoso e derribo” contra a sanidade pública e as súas profesionais. Unha situación que cada día que pasa vai a peor, e que está provocando protestas por toda a xeografía galega desde o Baixo Miño a Coruña, ou desde Ribadeo a Vigo, recalcou.
É gravísimo o que pasa na Atención Primaria pero non podemos perder de vista que cada vez hai máis lista de espera para acudir a un especialista ou operarse, e isto ten consecuencias negativas sobre a vidas persoas. En moitas áreas sanitarias, unha paciente que se atope mal e queira ver a súa médica de atención primaria ten que agardar até 15 días, e hai centros onde esa espera é moito máis alta. Faltan medios e persoal, até o extremo de que a día de hoxe a maioría dos centros de saúde contan con menos do 50% do persoal médico. De feito no último ano, as propias listas oficiais, que “sabemos que ocultan a miles de pacientes”, non deixan de medrar. Oficialmente, “hai 40.316 persoas agardando por unha operación, 3.740 persoas máis, un incremento do 10,23%”.
No caso das especialidades, engadiu Pontón, son 150.068 persoas esperando cita, 39.701 máis que fai un ano, o que significa que a lista para acudir a un especialista medrou nun ano un 36%.
O problema, indicou “non é falta de persoal”, o problema é que a política da Xunta expulsa o persoal sanitario. “Só no último ano, o 60% dos médicos e médicas de familia que acabaron o MIR non quedaron en primaria pola precariedade que impón a Xunta.
Dende o BNG reclamamos ao goberno galego medidas e non escusas para reforzar a sanidade pública e propoñemos catro medidas concretas que só precisan de vontade política : Un Plan de choque que permita un investimento urxente de 200 M€ adicionais para a atención primaria, que permita contratar máis persoal e dotar de máis medios a atención primaria. Máis persoal contratado e protocolos para garantir as labores de rastrexo do virus que a día de hoxe está sendo un desastre, cando tiña que ser unha prioridade ao lado da campaña de vacinación. Incluír novas categorías en primaria como psicoloxía clínica, logopedas, traballadoras sociais e reforzar dotación de profesionais e a súa carteira de servizos en enfermería, matronas ou fisioterapias e incrementar nos próximos orzamentos a contía destinada Atención Primaria co obxectivo de subir até o 25%, do orzamento total do SERGAS, conforme o que reclaman todos os organismos internacionais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
