Ribadeo, 27 de agosto de 2021. O Concello de Ribadeo organiza para este domingo, día 29, no mercado unha nova edición da xornada Toma Tomate, que inclúe diversas actividades para homenaxear a esta hortaliza.
O concelleiro de Desenvolvemento Local, Pablo Vizoso, anuncia que “continuando coa aposta por unha alimentación saudable e sostible, este domingo na contorna da Praza de Abastos de Ribadeo vaise celebrar unha nova edición do Toma Tomate, unha xornada homenaxe a este produto da horta tan noso”.
Pablo Vizoso especifica que “dende primeira hora da xornada, coa colaboración do centro Pedro Murias, terá lugar unha mostra das variedades deste alimento, onde membros do centro compartirán a súa experiencia e coñecemento do seu cultivo.Poderase desfrutar ademais da exposición Alimentación Cotiá, presente e pasado, que fai un percorrido pola historia da alimentación da nosa zona e das relacións comerciais ao longo do tempo. A partir das 11.00 os nenos e as nenas menores de 3 anos poderán desfrutar do obradoiro Comer tamén conta, unha experiencia sobre comer saudable e de forma sostible. E dende as 13 horas e para tódolos públicos a banda Otus Scops poñerá o toque musical a esta xornada”.
Ademais os establecementos de hostalaría da contorna prepararán tapas con tomate da horta como ingrediente principal. Os participantes son:
Bar Queimada: Patacas en salsa de tomate picante.
Ribeira: Tomates recheos de atún.
Bar Prohibido: Tartar de tomate negro de Crimea.
Fumarel: Boquerón con romescu e améndoa garrapiñada.
“Con este tipo de actividades o que pretendemos é resaltar a importancia dos produtos de proximidade da nosa horta, tan imprescindibles na nosa alimentación, entre eles o tomate, tan propio da nosa zona”, rematou Vizoso.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
