O PP de Xermade pregunta polas actuacións do goberno local e o uso da explanada entre o colexio, o pavillón e o centro de saúde

Xermade, 10 de agosto de 2021. O Grupo Municipal Popular de Xermade preguntará na sesión plenaria deste xoves polo plan de actuacións e usos previstos polo goberno local para aproveitar a explanada situada entre o recinto escolar, o pavillón de deportes e o centro médico.

Tendo en conta que “actualmente, se atopa en malas condicións de conservación e mantemento porque sae vexetación entre o substrato que forma a base desa superficie”; os concelleiros do PP preguntarán se está previsto o acondicionamento da zona que “pode ser empregada para diversas actividades que redunden en utilidade para os veciños e usuarios”.

Os populares queren que o goberno local aclare o uso previsto para ese espazo de cara ao inicio do curso 2021/2022 porque “a principios do curso pasado, incluso os autobuses do transporte escolar utilizaban esa entrada para o colexio”.