Ribadeo, 25 de agosto de 2021. O Concello de Ribadeo ofreceu unha recepción á deportista Nerea Lago despois de conseguir a medalla de prata no Campionato de España de Remo Olímpico celebrado en Vitoria e a quinta praza no Campionato do Mundo que tivo lugar en Bulgaria.
O alcalde en funcións, Pablo Vizoso, resaltou que “hoxe estamos moi orgullosos, de recibir a esta deportista neste salón de plenos do Concello de Ribadeo, aínda que non lle cause novidade porque non é a primeira vez que a recibimos nun acto similar de recoñecemento dos éxitos que foi acadando. Estou plenamente seguro de que seguirá vindo a este salón de plenos con novos obxectivos acadados. Hoxe queremos recoñecerlle a medalla de prata acadada no Campionato de España de Remo Olímpico Xuvenil, que se celebrou en Vitoria hai unhas semanas, e tamén a quinta praza no Campionato do Mundo que tivo lugar recentemente en Bulgaria”.
O rexedor subliñou que “Nerea ten un palmarés cheo de medallas e un gran futuro por diante, froito do compromiso, da entrega e deses madrugóns, e iso ao final dá o seu premio. Tamén quero aproveitar para agradecer ao Club de Remo de Ribadeo e a Nerea particularmente por situar a Ribadeo como se merece tan alto no mundo do deporte. Desexamos que sigan os éxitos cada vez maiores nesta etapa que vai iniciar e que poida vir de palista cargada cunha maleta chea de medallas”.
A concelleira de Igualdade, Mariluz Álvarez Lastra, sinalou que “é un orgullo para a Concellaría de Igualdade ter rapazas que destaquen e que sexan tan completas porque non soamente é o deporte senón tamén os ámbitos educativo e profesional. É un premio para ela, pero tamén onde se poden mirar outras adolescentes que están nese momento, que con esforzo e tesón as cousas se poden conseguir. Lograr o que Nerea fixo débese ao seu gran traballo e sobre todo compatibilizando a área do deporte co estudo, nun ano moi complicado como é segundo de bacharelato, así que dobremente noraboa”.
Para a edil ribadense “é o premio a ese gran esforzo e as horas intempestivas dos adestramentos, condicionados polas mareas e polo clima que temos en Ribadeo nun club pequeno que leva colleitando éxitos alí onde estean grazas aos adestradores, ás familias e ao tesón dos rapaces e das rapazas que a conforman e que saben adaptarse ás circunstancias nun deporte que non é ao uso onde teñan un pavillón pechado onde poidan adestrar, co cal dobre esforzo e dobre mérito. Creo que temos que sentirnos moi orgullosos de que nunha vila tan pequena como a nosa o nome de Ribadeo soe en Bulgaria, vai soar en París e en moitos outros sitios. Para nós é un inmenso pracer que Ribadeo se coñeza non soamente pola praia das Catedrais, que é moi importante, pero que se coñeza tamén polos nosos deportistas e polas nosas deportistas”.
O concelleiro de Deportes, Jorge Díaz, lembrou que “xa non sei canto gañou nin canto vai gañar. Queremos agradecer a Nerea o seu esforzo durante tantos anos. Gañouse a pulso a oportunidade que ten agora de compatibilizar uns estudos cun deporte que lle gusta e máis nunha especialidade minoritaria e de carácter feminino”.
Nerea Lago dixo que “fueron años muy duros pero al final, después de madrugar, estudiar y compaginar todo, mereció la pena. Ahora queda Sevilla y nuevos objetivos. Muchas gracias a mi entrenador, a mis amigos, a mi familia y al Concello”.
A deportista recibiu unha figura elaborada pola Asociación de Axuda ao Enfermo Mental A Mariña.
No acto estiveron presentes os avós de Nerea Lago e o técnico municipal de Deportes, Iván López.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
