Viveiro, 22 de agosto, 2021. O pasado venres no colexio vello de Galdo, realizouse unha xuntanza convocada pola Comunidade de Montes do Castelo xunto coa Asociación de veciñas e veciños de Galdo para tratar coa señora alcaldesa a problemática do lobo á que asistiu veciñanza de parroquias colindantes e tamén membros da asamblea do BNG.
A comunidade gandeira mostrou unha gran preocupación ante o aumento dos ataques que se volveron diarios e sobretodo pola localización dos mesmos, xa que se están desenvolvendo preto dos núcleos de vivendas. Manifestaron tamén a falta de axudas, ou o baixo importe das exisitentes.
Nunha situación tan preocupante, o equipo de goberno chegou coas mans baleiras e sen propostas
Ante as preguntas das persoas asistentes o equipo de goberno ficou calado, sen aportar datos, información ou propostas e cargando con todo o peso na veciñanza á que ademais se lle encomendou a redacción dun texto para entregar na solicitiada reunión coa Conselleira de Medio Ambiente.
Para a concelleira do BNG Míriam Bermúdez, quen interviu a petición do público, non cabe dúbida que a situación do lobo é un problema que vén de atrás, que estamos nunha situación límite ante as inaccións do goberno da Xunta, que ten sen executar o “Plan de xestión do lobo” dende o ano 2008, o que implica entre outras cousas que o censo de lobos non estea actualizado dende o ano 2013 deixando á comunidade gandeira soa, con axudas precarias, sen medidas e sen recursos para combatir a expansión do lobo.
Unha aposta clara desde o BNG
Dende o BNG queremos trasladar o noso apoio á comunidade gandeira con feitos, e facerlles chegar que se teñen presentado este mesmo febreiro no Parlamento Galego, un paquete de medidas para evitar a situación extrema que estamos a padecer co lobo, e que foron reixeitadas polo Partido Popular. Estas medidas consisitían en elaborar un plan estratéxico para a compensación de perdas ocasionadas polo lobo, tamén porpostas para a apoiar a gandeiría cabalar en extensivo, así como medidas de apoio e estratexias de mercado para a comercialización da carne e incluso a creación dun comité de expertos para establecer medidas puntuais en áreas especialmente conflitivas para a cohabitación de gando e lobo como é o caso de Viveiro.
No BNG apostamos pola ampliación das medidas de prevención entre as que se atopan os peches de terreos cando así sexa posible ou a dotación de mastíns nas explotacións así como a potenciación dos recursos económicos, materiais e humanos necesarios que inclúan o asesoramento sobre o territorio, do persoal da Administración para axudar ás persoas que con tanto esforzo desenvolven actividades económicas no medio rural.
Ante a situación extrema que estamos vivindo no concello de Viveiro, o BNG organizará unha reunión en vindeiras datas á que asisitirá o Deputado no Parlamento Galego do BNG nas áreas de Agricultura e Gandeiría á que estará convidada toda a veciñanza que desexe tratar a problemática do lobo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
