Burela, 18 de agosto de 2021. A Corporación Municipal de Burela celebrará pleno extraordinario o vindeiro venres, 20 de agosto. Será a primeira sesión presencial desde marzo do ano pasado. No pleno someterase a aprobación unha modificación de crédito de 2,6 millóns de euros que se destinarán á realización de melloras en varias rúas, áreas recreativas e instalacións deportivas, ao aforro enerxético e a outras moitas actuacións que se acometerán no que resta deste ano e no 2022. Esa partida de 2,6 millóns de euros procede do remanente de tesourería de 5 millóns de euros do Concello de Burela. O alcalde, Alfredo Llano, subliñou que isto é unha consecuencia da boa xestión económica realizada polo equipo de goberno.
O rexedor contou que “o próximo venres faremos un pleno extraordinario, que será o primeiro de forma presencial desde marzo de 2020. Vamos intentar aprobar unha cuestión moi importante referida aos orzamentos deste ano. O Concello de Burela ten un remanente de tesourería de 5 millóns de euros aproximadamente, incluso se chegou a ter máis pero estaba moi condicionado pola normativa gobernamental e polo tanto era moi difícil poder investilo. Agora, desde o ano pasado, a través dun acordo de goberno permítese aos concellos que teñen remanente poder empregalo naquelas cuestións que consideren oportunas este ano e posiblemente tamén para o que vén”.
Llano explicou que “como temos o remanente de 5 millóns, se é aprobado no pleno do venres imos destinar a unha modificación orzamentaria 2,6 millóns de euros. Facémolo pola oportunidade que temos de investilos e ademais agora mesmo os cartos nos bancos non fan nada ben ao Concello porque non dan beneficio practicamente. Entón hai que facer investimentos, para o que temos moitos proxectos pensados xa desde hai moito tempo, que agora imos concretar grazas a esta modificación”.
O rexedor subliñou que “as actuacións que se van levar a cabo son integrais, transversais e para todo o concello. Abarcan temas de melloras en rúas e beirarrúas, aforro enerxético, instalacións deportivas, merca de solo dotacional, arranxos en áreas recreativas, edificios públicos, parques, xardíns e prazas, … Todo aquilo que sexa beneficioso para o conxunto da poboación e do concello. Hai moitas actuacións, que se van tratar de acometer algunhas xa este ano e outras quedarán para o 2022, pero queremos ter estes cartos xa convenientemente perfilados para poder beneficiar ao conxunto da poboación de Burela da mellor maneira posible”.
Para Alfredo Llano “é unha boa medida, que é posible porque fixemos unha boa xestión económica durante estes anos, de tal xeito que pagamos todo o que se debía e ademais puidemos aforrar. E agora temos a oportunidade de poder empregalo para que o desfruten todos os veciños e veciñas de Burela. Ademais estas melloras integrais para todo o concello van crear moito emprego porque para todas as actuacións que vamos facer necesítanse traballadores. Por tanto penso que vai ser unha boa medida incluso para atraer moito emprego aquí. E estas actuacións unha vez rematadas van deixar a Burela nun plano atractivo para toda a xente que nos visite e desde logo para todos os que vivimos aquí”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
