Mondoñedo, 4 de agosto, 2021. A Cova do Rei Cintolo é un referente para o turismo de Mondoñedo e para o turismo da Mariña e isto pode verse reflexado na afluencia de visitantes que está a recibir na campaña de verán do presente ano.
Co mes de xullo recen rematado, o balance do mesmo arroxa unhas cifras de récord en pleno ano de pandemia e con restricións no aforo.
No presente exercicio, o mes de xullo foi un mes no que os grupos de visita á cova se podían conformar cun máximo de seis asistentes máis guía, seguindo o criterio establecido por Sanidade para este tipo de actividades, o que supón unha importante redución de aforo con relación ao anos previos nos que os grupos máximos establecidos estaban en 10 persoas máis guía ou 15 máis guía no referente a grupos organizados e centros educativos.
Así, a pesar desta redución de aforo do ano 2021, a afluencia e aceptación das visita á cova están sendo tan importantes que o presente mes de xullo marca un novo récord de visitantes á cavidade superando nun 5% o mellor mes de xullo previo dende a súa apertura, que fora o ano 2019. Nun momento sen estas limitacións derivadas da pandemia.
Apoiados neste éxito das visitas e na crecente demanda das mesmas, así como o interese detectado entre os asistentes en que se abriran novas rutas con maior complexidade, o Concello de Mondoñedo xunto co Federación Galega de Espeleoloxía, están a traballar para a posta en marcha dunha nova ruta de visitas dentro da Cova de Rei Cintolo.
Por isto, o pasado venres día 31 de xullo de 2021 levouse a cabo a primeira visita guiada ao río dentro da Cova do Rei Cintolo, encamiñada á posta en marcha dunha nova ruta de visita dun nivel de dificultade maior de cara ao vindeiro ano 2022.
A actividade desenrolouse en dous grupos de visita, un ás 10h e outro ás 16h, no que 6 participantes en cada un dos grupos tiveron a ocasión de visitar as galerías inferiores da cova chegando ao punto máis baixo da mesma por onde discorre o río da cavidade.
Esta acción resultou plenamente satisfactoria para as persoas que asistiron e, polo tanto, establécese unha nova visita especial ata o río para este mes de agosto. Esta nova visita terá lugar o vindeiro venres día 27 de agosto de 2021, en quendas ás 10h e ás 16h.
A actividade ocupará arredor de 3h e as entradas terán un custo de 30€ por persoa.
Para esta visita especial haberá que solicitar praza na Oficina de Turismo de Mondoñedo a través do teléfono 982 50 71 77
Por outra banda, dado que esta é unha visita máis longa e complexa, considérase preciso que as persoas que queiran visitala teñan unha forma física boa, xa que a dificultade da mesma é media-alta. Tamén indicar que a idade mínima para poder facer esta visita é de 18 anos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
