Ribadeo, 8 de agosto de 2021. O voceiro do Grupo Municipal Popular de Ribadeo, Daniel Vega, destaca a colaboración coa asociación A Sucadoira que recibe 10.000 bolsas financiadas pola Xunta de Galicia para a promoción dos produtos locais e que tamén contan con deseño ribadense. “Estas bolsas supoñen un vínculo de unión entre produtor e consumidor; ademais de contribuír a amosar unha imaxe unificada da marca ‘Horta de Ribadeo’”.
O popular recoñece a labor da asociación A Sucadoira como impulsora da marca ‘A horta de Ribadeo’. Tamén destaca Vega que “grazas á Sucadoira e o traballo da consellería da Xunta de Galicia hoxe podemos comercializar a planta e a semente do pemento de Piñeira que conta cunha propia IXP”. Tamén destaca “a importancia de comezar a traballar a terra para plantar a faba” amparada pola IXP Faba de Lourenzá en toda a comarca da Mariña. “Son moitos outros os produtos de calidade, coma a cebola, os que venden no mercado dos domingos e no mercado dos mércores, un espazo para a relación directa entre produtor e consumidor”, apunta.
Vega sinala que “o Grupo Municipal Popular leva tempo traballando co colectivo en apoio á súa labor por impulsar o sector hortícola local do que coñecemos o seu glorioso pasado e que cremos que ten un futuro moi importante”. Así mesmo, lembra que “xa fai tempo xestionamos orzamento para dotar aos produtores e vendedores de vestiario con marca única e de deseño tamén único feito no noso municipio, en Ribadeo”.
Finalmente, o popular pon en valor “a formación a través da Escola de Pedro Murias como base para o relevo xeracional do sector” e asegura que “continuaremos apoiando á asociación e as súas iniciativas porque cremos que é necesario impulsar o noso sector primario e, concretamente, a horta de Ribadeo”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
