Burela, 6 de agosto de 2021. Burela rende estes días unha homenaxe á Feira do Bonito que non se pode celebrar do xeito tradicional, debido á situación sanitaria ocasionada pola pandemia do covid. Ata o domingo, 8 de agosto, teñen lugar xornadas gastronómicas, actuacións musicais, o Certame Amarte e unha exposición dos carteis da feira que se pode ver por todo o pobo. O alcalde burelés, Alfredo Llano, convida a achegarse á localidade para desfrutar de toda esta oferta, pero pide que se faga con responsabilidade e prudencia.
O rexedor dixo que “estes días debéramos estar desfrutando dunha Feira do Bonito que lle correspondería ser este sábado pero, derivado da pandemia, este ano ao igual que o pasado non se vai celebrar como se viña celebrando dunha maneira moi recoñecida porque a asociación Ledicia preparaba de formas diferentes o bonito e tiña un éxito total. Era unha maneira extraordinaria de darlle importancia ao túnido, pero tamén de atraer moita xente a Burela. Como este ano non se pode facer, pensamos en substituílo por algo que lembrara esta celebración e o que se fixo foi falar cos hostaleiros para que levaran adiante unha iniciativa que consiste en ofrecer pratos que teñen bonito tanto en menús como en tapas e racións. Hai que agradecer a colaboración da gran maioría dos restaurantes, bares e hoteis de Burela nesta campaña. Entón ata o domingo van ofrecer menús todos os restaurantes, que é moi motivador e realmente interesante para favorecer a pesca de Burela e o bonito do norte, en concreto”.
Alfredo Llano sinalou que “tamén están traballando xa no muro do porto, a través do Certame Internacional de Pintura Mural Amarte. Este ano van ser oito obras e o que ven sobre nove para ir culminando o muro. Hai boa participación, de calidade extraordinaria e é moi interesante de ver. Completaremos o día coas actuacións do Mago Antón, que vai estar na rúa Pardo Bazán todo o día e na Praza do Concello actuará Luar na Lubre ás once da noite. Ademais vai haber obradoiros infantís para facer graffitis na zona portuaria, impartidos por técnicos na materia. Tamén hai unha exposición dos carteis que anunciaban a Feira do Bonito desde o ano 1983 ata hoxe, Ledicia permitiu poñela por todo o pobo, na praza do Concello, na praza da Mariña, no porto e en varios lugares”.
O alcalde de Burela pensa que “no conxunto o que pretendemos facer, a través do Concello, de toda a restauración e da asociación Ledicia, é darlle importancia ao que fan os nosos mariñeiros pescando o bonito dunha maneira artesanal, respectuosa co medio ambiente e cunha calidade superior. Tamén queremos defender a actividade pesqueira e resaltar que é de moitísima importancia no noso concello, pois dos portos de todo o litoral cantábrico posiblemente sexa o máis importante e así o din as descargas enormes de bonito que hai e doutras especies, ata cen chegamos en Burela”.
Alfredo Llano convida a veciñas, veciños e visitantes a desfrutar de toda esta oferta: “de maneira responsable, invitamos a todo o mundo que estea pola Mariña e queira achegarse estes días a Burela para que desfrute de todo aquilo que se ofrece dunha maneira interesante, diversa e variada, e que non ten outro fin máis que lembrar a Feira do Bonito e darlle importancia á nosa actividade pesqueira”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
