Burela, 10 de agosto de 2021. O alcalde, Alfredo Llano, fixo un balance moi positivo da homenaxe que Burela lle rendeu ao bonito a pasada fin de semana. O rexedor dixo que houbo moita xente e que todos os espectáculos se desenvolveron de xeito seguro e perfectamente organizados.
Llano sinalou que “esta nova edición do que tiña que ser a Feira do Bonito, que non se puido celebrar coas súas connotacións normais, tivo unha repercusión enorme e positiva nestes tres días. Houbo moita xente sen chegar ao caos, todos os eventos que se fixeron estiveron perfectamente organizados e o público participou en todo aquilo que se ofreceu”.
Para o alcalde burelés “un dos atractivos que se fixo este ano foi a través dos restaurantes, bares e todos os locais de hostalería, que participaron masivamente, para agrandar a figura do bonito preparando ese prato das infinitas maneiras nas que se pode tomar. Fixemos todo o posible para que a pesca de Burela en xeral, e o bonito en particular, tivese repercusión, promoción e esa información suficiente para que se saiba que aquí seguimos pescando dunha forma sostible, respectuosa co medio ambiente e tendo en conta sempre a calidade do peixe que se trae ao noso porto. Penso que se acadou ese obxectivo”.
O rexedor engadiu que “os espectáculos foron moi bos. O Mago Antón estivo todo o venres actuando con moitísima xente, o concurso Amarte tivo unha calidade extraordinaria na pintura que se fixo este ano co que estamos construíndo pouco a pouco un museo exterior no porto que representa moitas características de Burela e tamén o venres tivemos o concerto de Luar na Lubre, onde se puido ver a organización cumprindo con toda a normativa sanitaria e puidemos desfrutar dunha actuación boísima que gustou a todo o mundo. Tamén tivemos o Tribu Folk e o concerto de Eladio y los Seres Queridos. Todo no seu conxunto creo que foi unha forma moi boa de promocionar e atraer xente a Burela sen que houbese unha masificación extraordinaria”.
Alfredo Llano pensa que “tal como se levaron as cousas para o ano que ven vai facerse unha Feira do Bonito espectacular, se podemos realizala como na normalidade que corresponde. Hai que felicitar tamén a toda a xente que participou como Ledicia e o Concello. Estamos realmente contentos de como saíron estes tres días desta última fin de semana”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
