Ribadeo, 18 de agosto de 2021. A conselleira do Mar, Rosa Quintana, visitou hoxe as instalacións do Centro de Investigacións Mariñas (CIMA) de Ribadeo xunto ao profesor e membro do grupo de investigación de Patoloxía na Acuicultura da Facultade de Bioloxía da Universidade de Santiago de Compostela (USC), Juan Luís Barja, para coñecer o traballo realizado no centro no marco da colaboración entre as partes para mellorar a produción de semente de moluscos bivalvos en criadeiros. Neste sentido, a titular de Mar salientou a importancia de que as distintas institucións sumen sinerxías co obxectivo de optimizar a produción de semente e a repoboación dos bancos marisqueiros.
A representante da Xunta, que estivo acompañada pola directora xeral de Desenvolvemento Pesqueiro, Susana Rodríguez, explicou que a última colaboración entre a Consellería do Mar e a USC tradúcese nun convenio asinado a comezos de mes que ten como finalidade minimizar o impacto das patoloxías bacterianas en criadeiros de moluscos bivalvos, impulsar a produción de semente nestas instalacións e avanzar na posta a punto de procedementos microbiolóxicos de manexo en criadeiro.
O protocolo acordado entre as partes, que conta cun orzamento de máis de 162.000 euros e vixencia ata finais de 2023, tamén pretende racionalizar o seguimento das actuacións microbiolóxicas nos cultivos de moluscos bivalvos realizado ao abeiro das accións de investigación despregadas nas distintas instalacións de cultivo dependentes da Consellería do Mar.
Rosa Quintana subliñou que o labor conxunto da Xunta e a USC se centrará no binomio fitoplancto-larvas como eixo principal para o control microbiolóxico do criadeiro de bivalvos e na dinámica dos patóxenos bacterianos co fin de minimizar o seu impacto no cultivo larvario das distintas especies. Trátase dun traballo que terá en conta os resultados obtidos neste eido en colaboracións anteriores entre as partes e que reflicten que os patóxenos larvarios que limitan o avance da produción en criadeiro parecen estar asociados á instalación e/ou condicións de cultivo.
Por iso, o convenio céntrase no estudo das posibles dificultades de produción existentes nas instalacións de cultivo que o CIMA ten en Ribadeo e tamén no Instituto Galego de Formación en Acuicultura (Igafa), dependentes da Consellería do Mar, para detectar posibles patóxenos nas especies en diferentes etapas de cultivo. Os traballos tamén inclúen a análise global dos datos biolóxicos-microbiolóxicos integrados dos criadeiros deses dous centros da Xunta e o estudo de diferentes tipos de cultivo de fitoplancto, a súa incidencia e factores que inflúen na proliferación de patóxenos.
A titular de Mar salientou que este tipo de colaboracións e investigacións con outras institucións son fundamentais para acadar o obxectivo de incrementar a produción de semente de moluscos bivalvos en criadeiros e cubrir as necesidades de recurso co que repoboar os bancos marisqueiros para aumentar a súa produción.
Outras colaboracións
Esta acción de investigación conxunta entre a Consellería do Mar e a Universidade de Santiago de Compostela dá continuidade a outras colaboracións, como as seladas en 2019, para estudar melloras na produción de semente en criadeiros e o desenvolvemento larvario dos bivalvos con ese mesmo obxectivo de favorecer o abastecemento do sector e así incrementar a produción marisqueira e os ingresos dos profesionais que desenvolven esta actividade.
A aposta da Xunta pola mellora na produción de semente de moluscos bivalvos tamén se estende á captación de fondos europeos Next Generation e, de feito, o proxecto proposto pola Consellería do Mar para optar a eles inclúe entre as súas accións un plan integral de recuperación e reforzo da produción de moluscos bivalvos nas rías de Galicia. Ese plan busca avanzar na coordinación dos esforzos e capacidades de investigación existentes e na aplicación demostrativa do coñecemento dispoñible asociado a estes recursos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
