Viveiro, 13 de agosto, 2021. O Centro Comercial Histórico en Colaboración co Concello de Viveiro, organiza do 25 ó 27 de Agosto nas carpas situadas nos Xardíns Noriega Varela a VIII Feira de Stocks.
Serán un total de 14 stands adicados á venda de moda de home e muller, nenos, xuvenil, complementos, deportes, zapatos, xoiería, bisutería, mobles e decoración.
Os comercios participantes na feira son: Iglesias Muebles, Versus, Complementos Sulian, Piti Deportes, Fontana, Cocolatte, Albo Zapaterías, Oscar Joyeros, kerale Moda, Oxígeno Surf, Mimimó, Van Surf e Van Surf Sneakers.
Unha amplia variedade de sectores e artigos que serán postos á venda a uns prezos moi reducidos, onde os clientes poderán mercar verdadeiras gangas, unha oportunidade estupenda de mercar artigos de primeira calidade a uns prezos inmellorables.
Este ano debido á situación COVID, establecerase un protocolo de seguridade creando un recorrido unidireccional, cunha única entrada claramente señalizada, uso obrigatorio de xel hidroalcohólico á entrada, mascarilla durante todo o tempo que se permaneza na Feira, e control de aforo nos postos.
O éxito das pasadas edicións, e grazas á colaboración do Concello de Viveiro, fan posible que un ano máis se poda levar a cabo esta Feira de Stocks.
O horario da Feira será de 11 a 14 horas e de 18 a 21:30 h durante os tres dias.
Por outra banda, o domingo 15 de agosto o comercio asociado ó Centro Comercial Histórico de Viveiro abrirá as súas portas pola mañá en horario especial de festivos, de 11 a 14 horas. Debido a que son dous dias consecutivos festivos, os negocios abrirán o domingo pola mañá para que tanto visitantes como clientes habituais poidan facer as súas compras no comercio de Viveiro. Animamos a vivir o ambiente e as actividades programadas, pasear polas rúas de Viveiro e desfrutar da gastronomía dos locais de hostalaría da vila pero con precaución e máxima responsabilidade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
