Lugo, 29 de xullo de 2021. A Deputación de Lugo arrancará esta fin de semana co programa Saborea a túa provincia nas localidades de Viveiro e Burela adaptando a súa organización ás novas restricións e medidas de seguridade e prevención da Covid-19 que marcan as autoridades sanitarias. Esta iniciativa, que percorrerá outros 7 concellos da provincia, celebrarase o sábado durante todo o día nos Xardíns de Noriega Varela de Viveiro, e o domingo, na Praza do Concello de Burela.
Nestas localidades a cita desenvolverase nunha zona acoutada co público sentado, para poder controlar en todo momento o número de persoas que accede e sae do recinto e manter as distancias entre persoas.
A Deputada de Réxime Interior, Promoción do Territorio e Turismo, Pilar García Porto, subliña que esta acción “forma parte do Plan Impulso da Economía da Provincia que temos en marcha na Deputación de Lugo e co que levamos poñendo en marcha medidas ao longo da provincia para dinamizar a nosa economía e os sectores máis afectados polo impacto da pandemia, como son a hostalería, o turismo, o comercio local e os pequenos produtores”. García Porto incide en que “é un programa deseñado dende o prisma de que estamos atravesando unha pandemia, por iso serán actividades seguras onde haberá persoal supervisando o cumprimento das medidas, os participantes gardarán a distancia á vez que lle botamos unha man aos nosos produtores e comerciantes”.
“Adaptaremos o desenvolvemento das xornadas ás restricións vixentes en cada momento e á situación epidemiolóxica de cada concello”, asegura Pilar García Porto, “como vimos facendo con todos e cada unha dos actos e actividades que organizamos dende a Deputación dende a declaración da pandemia”.
Ata A Mariña viaxará esta fin de semana o autobús do Saborea, “ao redor do que se organizarán charlas, degustacións de produtos, demostracións culinarias da man de cociñeiros e cociñeiras da provincia, haberá obradoiros para os pequenos, maxia e sorteos”, indica a Deputada.
No autobús-cociña será onde profesionais da asociación provincial de cociñeiros e cociñeiras de Lugo elaborarán receitas con produtos típicos de cada zona. Utilizarán alimentos con distinción da súa calidade polo selo Denominación de Orixe ou Indicación Xeográfica Protexida, como a Faba de Lourenzá, a Pataca Galega, o Pemento de Mougán, o Lacón, a Tarta de Santiago, o Mel de Galicia ou o queixo San Simón da Costa; e tamén empregarán nas súas elaboracións razas autóctonas como o Porco Celta, a Galiña de Mos ou o Vacún Galego. Faranse degustacións destas receitas e tamén de produtos de proximidade que se entregarán en envases individuais pechados para que se consuma de maneira segura e mantendo as distancias interpersoais.
Saborea a túa provincia nace con vocación de continuidade “porque responde ó modelo de turismo polo que apostamos dende a Deputación de Lugo para favorecer o desenvolvemento socioeconómico da provincia: un turismo de calidade, sostible, non masificado, que pon en valor o patrimonio e que crea emprego, especialmente no rural”, explica Pilar García Porto.
Programas desta fin de semana
Viveiro – Sábado, 31 de xullo – Xardíns de Noriega Varela
11:30 Apertura da Xornada
12:00 – 13:30 Demostración culinaria e degustación de produtos. Elaborarase merluza de Celeiro salgada e curada con vizcaína dos seus callos a cargo de Michel Cociña, do restaurante Fumeiro (Covas).
12:00-14:00 Obradoiros de cociña para nenos e nenas
13:30 – 14:30 Animación musical: Tempus Fugit
17:30 Charla informativa Porco Celta a cargo de Aída Saez Acosta, técnica veterinaria da Asociación de Criadores de Gando Porcino Celta (ASOPORCEL)
17:30 Espectáculo Mago Rafa
19:00 Sorteo de lotes de produtos de proximidade da provincia de Lugo
19:30 Actuación musical: Atlántica
20:00 Degustación de produtos
Burela -Domingo ,1 de agosto – Praza do Concello
11:30 Apertura e actuación do alumnado da Escola de Música de instrumentos de corda
12:00 – 13:30 Demostración culinaria e degustación de produtos. Farase bonito curado, crocante de curri e vinagreta da man de Bruno Pena, do restaurante Oca Playa (Foz).
12:00-14:00 Obradoiros de cociña para nenos e nenas
13:30 – 14:30 Animación musical: Dambara
17:30 Charla informativa a cargo de Verónica Marcos Arrojo, de FADEMUR, e de Verónica Diéguez, de Queixería Mazaricos
17:30 Espectáculo Mago Rafa
19:00 Sorteo de lotes de produtos de proximidade da provincia de Lugo
19:30 Actuación musical: Atlántica
20:00 Degustación de produtos
Un programa que percorre a provincia
Esta cita gratuíta recalará tamén nos concellos de Lourenzá, O Valadouro, A Fonsagrada, Guitiriz, Láncara e Monforte de Lemos ao longo das fins de semana do mes de agosto. Os cociñeiros e cociñeiras prepararán en directo nesas xornadas os seguintes menús:
Lourenzá. O sábado 7 de agosto cociñarase faba de Lourenzá IXP con espada en escabeche e clorofila de codium polo cociñeiro do Asador del Alba (San Cosme de Barreiros), Jesús Villarino.
O Valadouro. O domingo 8 de agosto elaborarase merluza de Burela e aliño de mel do Valadouro a cargo de Bruno Pena, do restaurante Oca Playa (Foz).
A Fonsagrada. O sábado 14 de agosto farase troita curada, brioche e alioli de escabeche e sopa de mel e vainilla, biscoito de limón e migas de chocolate da man de Pablo Vila Cano, do restaurante Oca (Santiago).
Guitiriz. O sábado 21 cociñarase touciño de Porco celta glaseada con pementos de Mougán e os seus crocantes da man do cociñeiro Santi Almuiña, do Mesón Colón (Nadela).
Vilalba. O domingo 22 elaborarase un canelón recheo de capón de Vilalba trufado con espuma de San Simón e flor de allo a cargo do cociñeiro de Pascuais Eventos (Parada de Outeiro de Rei) Diego López.
Láncara. O sábado 28 de agosto cociñarase galo de Mos en tres coccións con San Simón, por Santi Almuiña, do Mesón Colón (Nadela).
Monforte de Lemos. O domingo 29 de agosto farase tenreira “arábiga” con parmentier de moca e nata solla do cociñeiro Manuel Fernández, do restaurante Manuel Bistró (Monforte de Lemos).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
