Lugo, 7 de xullo de 2021. A medida que pasan os meses aumentan as protestas veciñais polo mal estado da rede de estradas dependente da Deputación, cuxas calzadas acusan o moi prolongado déficit de mantemento. Igualmente é moi chamativo que unha gran parte de dita rede viaria estea aínda sen desbrozar entrado xa o verán. O concello de Muras é unha boa mostra dos graves déficits de conservación que presentan as estradas da Deputación, a cuxo delegado de Vías e Obras, José Tomé, o grupo popular insta unha vez máis a atender as queixas dos veciños máis directamente afectados. O BNG, que ten responsabilidade de goberno en Muras e no pazo de San Marcos, demostra ser incapaz, en opinión dos populares, de conseguir que o goberno provincial, do que forma parte, atenda ás necesidades dos seus veciños.
O portavoz provincial dos populares, Javier Castiñeira, sinala: “Dende o concello de Muras, o grupo provincial do PP, xunto coa voceira popular neste municipio, María Eugenia Requeijo, denuncia a lentitude coa que se desenvolven os desbroces nas estradas provinciais, tanto neste termo municipal como no resto; xa está entrado o verán, e hai queixas en moitos concellos porque as vías aínda están sen rozar, incluso nos lugares turísticos e nos que, como Muras, por ser de montaña, hai especial risco de incendio”. Castiñeira resume: “Isto significa novamente unha moi mala xestión da área de Vías e Obras, que maldirixe o señor Tomé”.
Aproveitando a estancia en Muras, o grupo popular comprobou que a estrada LU-P 66 02, de Ruanova, por Sixto, a Muras, ten o firme moi deteriorado. Castiñeira explica: “É unha zona de montaña e nesta estrada non hai quitamedos; nunha vía de montaña como é esta, esta carencia resulta perigosa. Hai escasa sinalización, incluso a de risco de animais soltos na calzada, algo moi propio deste municipio. E hai un risco grande que é debido a falta de drenaxe das augas que proceden de fontes e escorrentías, que atravesan a estrada; nalgún punto están provocando o afundimento da calzada”.
O mal estado das vías provinciais en Muras ten responsables, tanto no ámbito municipal como provincial. Castiñeira di: “O BNG, con responsabilidades de goberno neste Concello e na Deputación, demostra ser absolutamente inoperante para os veciños de Muras. A pesares de ser un concello con moitos ingresos e boas empresas afincadas no seu termo municipal, gracias a moi boa labor desenvolvida por gobernos populares durante moitos anos, o BNG non é capaz de ter unhas estradas en condicións. Esiximos máis seriedade e máis compromiso con este concello do rural lucense, da montaña; necesita traballo do Concello e da Deputación que, a día de hoxe, botamos en falta”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
