A Mariña, 9 de xullo, 2021. Esta fin de semana a provincia de Lugo será o escenario de boa parte da programación do festival Atlántica. Están previstos un total de cinco espectáculos en Outeiro de Rei, Mondoñedo, Folgoso do Courel e Alfoz. Todas as funcións son gratuítas, pero para asistir a algunhas delas cómpre reservar por adiantado.
A oferta para o público infantil e familiar comezará coa ‘Festa dos monicreques’ de Larraitz Urruzola. O espectáculo será o sábado ás 19 horas no Alfar dos Muíños, en Mondoñedo. A posta en escena desta función bebe da cultura popular, dos mecanismos e materias propias dos brinquedos tradicionais, dos cantos e da narración oral. A madeira, as teas e a herba trenzada están nos monicreques que usa neste espectáculo e onde tamén se atopan poemas de Rosalía de Castro e cancións populares (reservas no 982 507 177).
Os pequechos e as súas familias terán outra opción cultural con ‘Utopías’ de Atenea García, un espectáculo que combina a narración oral e a manipulación de obxectos. A través de diversas historias os espectadores irán descubrindo os mundos invisibles que nos rodean, eses outros xeitos de vivir dos que non somos conscientes. A función será tamén o sábado ás 7 da tarde pero na Casa Museo Manuel María en Outeiro de Rei (reservas no 698 177 621).
Quenda dos adultos
A galega Charo Pita e o guipuscoano May Gorostiaga achegaranse o sábado ata o Castro de Vilar no Folgoso do Courel para ofrecer unha sesión dobre de contos dirixida aos adultos. O ‘Menú de contos’ de Pita e ‘No meu mundo’ de Gorostiaga son os títulos dos espectáculos que comezarán ás 19 horas e que terán entrada libre ata completar o aforo.
As actividades do sábado rematarán cunha actuación de Quico Cadaval no Castelo de Castrodouro en Alfoz ás 20:30 horas. O público adulto poderá gozar coas historias de ‘Autoestradas e corredoiras’ onde asomarán unhas peixeiras co cesto á cabeza que teñen unha abraiante visión nocturna, un xeneroso condutor que sae da néboa para auxiliar os feridos dun accidente múltiplo e o clásico moderno: un autostopista que ve como vén cara a el un vehículo que endexamais atopara antes. Para asistir cómpre reservar os convites nesta web.
Clausura de Atlántica 2021
O domingo 11 de xullo, a partir das 20 horas, o Castelo de Castrodouro de Alfoz vai ser o lugar da clausura oficial da novena edición do Festival Atlántica. O espectáculo ‘Heroes que dormen, heroes que resisten, heroes que mudan’ consiste nunha mestura de música e historias sobre a Historia artellada por Manuel Gago coa colaboración dos músicos Mano Panforreteiro e Teresa Jareño. Nesta ‘conferencia musicada’ explóranse os mecanismos de resiliencia, resistencia e subversión polos que na cultura galega se forxan os heroes que viven, presentes ou agachados, no imaxinario común. A reserva de entradas para este espectáculo realízase nesta web.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
