Ribadeo, 29 de xullo de 2021. Pola vía de urxencia foi aprobado no pleno celebrado onte no Concello de Ribadeo reclamarlle á Xunta un plan de recuperación dos cadros de persoal do Sergas, do reforzo da atención primaria e da mellora no rastrexo do covid-19. O alcalde, Fernando Suárez, subliñou que no centro de saúde ribadense hai menos profesionais agora que hai dez anos e que se reduciu nun 50% o cadro do persoal médico pasando de 6 a 3 facultativos, que de xeito puntual se reforzan con outra profesional do PAC. Ribadeo solicítalle á Xunta a recuperación das prazas perdidas así como a cobertura de todas as ausencias do persoal sanitario e sociosanitario.
O rexedor declarou: “interesante este pleno ordinario celebrado onte onde practicamente todos os puntos da orde do día saíron por unanimidade. Ademais da declaración dos festivos locais para o ano que vén que quedaron o día de San Roque, 16 de agosto, e o día da Patroa, o 8 de setembro, aprobamos un suplemento de crédito para ter efectivo para un convenio extraordinario que temos que asinar con Acisa e tamén para poder adquirir un novo vehículo para a policía local”.
Alcalde honorario
Suárez Barcia explicou que “se acordou tamén por unanimidade deixar sen efecto o acordo do Concello do ano 1939 no que se nomeou Alcalde Honorario ao ditador Franco. Tendo coñecemento hai poucas datas deste acto, decidimos aplicar a vixente lei de memoria histórica que indica que as Administracións Públicas debemos tomar as medidas oportunas contra os actos de exaltación da sublevación militar ou da ditadura. E desde logo que honrar a un ditador non é posible nos tempos que corren polo que onte puxemos ao ditador onde debe estar, desterrado de toda simboloxía de recoñecemento”.
A situación da sanidade en Ribadeo tamén foi protagonista no pleno ordinario celebrado onte: “E unha das cuestións que tratamos, de urxencia ademais, foi a reclamación á Xunta de Galicia dun plan de recuperación dos cadros de persoal do Sergas, do reforzo da atención primaria e da mellora no rastrexo do Covid19, e especialmente en Ribadeo. Dixemos isto porque en Ribadeo hai menos profesionais que hai dez anos cando se trata moita mais xente que daquela durante todo o ano, e especialmente no verán a situación tórnase desastrosa. Duns anos a esta parte o cadro de persoal médico de mañá reduciuse nun 50% pasando de 6 a 3 profesionais, que puntualmente se reforzan con outra profesional do PAC. E porque tamén vemos que a cidadanía que escolleu atención médica na quenda de tarde agora só recibe esa atención 2 días á semana e obrígana a acudir polas mañás nos 3 días restantes”, seguiu a relatar o alcalde de Ribadeo.
Fernando Suárez dixo que “de feito o propio Partido Popular recoñeceu que a atención sanitaria tiña que mellorar. Solicitámoslles a recuperación das prazas perdidas e nunca cubertas como as de médico, auxiliar de enfermería, etc. E tamén a cobertura de todas as ausencias do persoal sanitario (médico, pediátrico, enfermería, matrona) e sociosanitario que garantan o nivel de calidade na atención. E solicitámoslles igualmente a dotación do persoal que permita abrir en quenda de tarde a sala de rehabilitación e polo tanto rebaixar a lista de agarda e a derivación de pacientes a servizos concertados privados, que é o que se está a facer realmente”.
E engadiu: “e logo finalmente no apartado de rogos e preguntas, coma sempre, fomos tomando boa nota daquelas que son positivas e que nos axudan a mellorar no día a día e fomos rexeitando aqueloutras oportunistas e que só pretenden xogo político sen mais”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
