Barreiros, 15 de xullo de 2021. A alcaldesa de Barreiros, Ana Ermida, acompañada polo goberno municipal amosoulle ao delegado da Xunta os edificios que o Concello rehabilitará con cargo a un préstamo concedido polo Instituto de Vivenda e Solo. Dito préstamo foi solicitado no 2020 ao organismo galego, despois de ter realizado unha importante labor de mellora nas contas municipais, xa que ata ese momento non era posible acudir a máis endebedamento debido á situación económica do Concello. Neste ano 2021 xa se comezou a amortizar a anualidade correspondente, finalizando a devolución no 2028.
A alcaldesa explicou que se prevé iniciar a licitación das obras no mes de setembro, comezando coa rehabilitación das escolas que están a carón do concello para habilitar unha zona de arquivo municipal e unha sala de usos múltiples para desenvolvemento de actividades sociais ou culturais. Estas obras están orzamentadas en 200.592,15 euros.
Seguidamente, licitaranse as obras do teleclub de San Cosme, onde se habilitarán oficinas para persoas autónomas ou pequenas empresas e locais para asociacións. O importe desta intervención ascenderá a 513.235,85 euros, que tamén serán financiados con cargo a un préstamo co mesmo período de devolución.
Ana Ermida sinalou a importancia destas obras “para dotar o centro urbano de San Cosme de locais de servizos para a poboación e de centros de atracción de actividades tanto económicas como sociais.” Destacou igualmente que a obtención de dito préstamo foi posible tras a “importante labor de sanemamento das contas municipais, xa que ata o ano 2020 non era posible endebedar máis o Concello, mesmo para realizar investimentos de primeira necesidade, debido á situación económica que se colleu no ano 2019.”
A rexedora agradeceu a visita do delegado da Xunta ao que aproveitou para trasladarlle a importancia de axuda noutros investimentos prioritarios para o municipio, como a depuradora de San Miguel ou o reforzo de determinados servizos municipais, como os servizos sociais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
