Burela, 1 de xullo, 2021. Para o BNG os orzamentos quedan a expensas do que se poda executar a cargo dos remanentes de tesourería.
Despois de analizar a proposta presentada polo goberno local, dende o BNG propoñen unha serie de actuacións para melloralos e que solucionen problemas reais da veciñanza. En verbas do voceiro en Burela, Mario Pillado, “os orzamentos son en certa medida similares ós do exercicio anterior salvo leves modificacións, tanto no gasto en servizos públicos coma no gasto social e de fomento de emprego. A gran carencia que atopamos está no plan de investimentos que queda moi reducido por iso cremos que é necesario incluír a cargo do superávit e dos remanentes de tesourería unha serie de obras e actuacións que propoñemos”.
Os nacionalistas acordan propostas que parten das necesidades da veciñanza
Mario Pillado sinalou que “revisando cada área e política de gasto cremos que onde mais coxea é en urbanismo e servizos básicos. Actaucións concretas coma no caso da pavimentación da rúa Dos Matos, da mellora dos accesos tanto en instalacións como a Biblioteca e o Salón de Conferencias como nas entradas á vila tanto polo Perdouro como pola zona de Pomeda; pero tamén cremos necesario un Plan de Urbanismo que regule tráfico, humanización e seguridade viaria, así como un convenio para o solar da antiga fábrica de Gres”.
Continuou Pillado, voceiro do bloque, dicindo que “en materia de sumidoiro, cunha partida minúscula, e en alumeado, que ve diminuído o seu gasto continuamente, cremos que se debe dar un paso adiante. Por iso propoñemos a reparación de alumeado público que xa solicitábamos para o plan único e tamén a conexión de vivendas que non teñen acceso a sumidoiro e que se lles cobra polo servizo. Por outra parte, tamén apostamos polas novas instalacións para asociación protectora de animais “Bigotes” que verían reforzada a súa gran labor cunha obra pola que levan moito tempo agardando”.
Para finalizar Pillado sinalou que “coa nosa abstención favorecemos a aprobación dos orzamentos e contamos que as propostas que incluímos no acordo se materialicen. Por iso faremos un seguimento do propio acordo e en función diso o noso voto pode mudar no futuro nun ou noutro sentido”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
