Ribadeo, 2 de xullo de 2021. A Concellaría de Cultura presentou a programación para este verán que dará comezo hoxe cun espectáculo de danza en Rinlo. Ademais, a segunda fin de semana de xullo, haberá cine sobre Emigración galega. Cultura de partida, culturas de destinos e tamén teatro de rúa en cinco localizacións da vila.
Teatro, exposicións, actividades para as crianzas, concertos da Banda Municipal de Música, dous novos concertos do proxecto Versión Fin, en Rinlo e en Cedofeita, ou a actuación de Xacarandaina son outras das propostas para o terceiro trimestre do ano en Ribadeo.
Pilar Otero anunciou que “comezamos a nosa programación cultural de verán en Rinlo, ao abeiro dos actos programados polo Xacobeo 2021-2022 da Xunta de Galicia, con Propulsa, unha proposta de danza para as oito e media, na praza desta vila mariñeira tan emblemática. Actuarán tres compañías con cadanseu espectáculo, Entremans, Ixa Universos en Movemento e Colectivo Globo. Ademais Emigración galega. Cultura de partida, culturas de destino ocupará a segunda fin de semana de xullo. Proxectaranse tres películas arredor de países de chegada, Os últimos de Filipinas, Guantanamera e Roma, poñendo o foco respectivamente en Cuba, México e Filipinas. Por outra banda, haberá teatro de rúa en cinco localizacións da vila a cargo doutras tantas compañías organizadas polos integrantes do colectivo As Vacas Fracas. Esta actividade terá lugar o sábado, á tarde-noite, e o domingo pola mañá. Inspiradas na saída dos emigrantes, estas pequenas montaxes teatrais suporán un percorrido guiado para grupos limitados de persoas, comandados por ciceronas, e para os que haberá que reservar praza. O achegamento ao noso pasado migratorio vaise completar, no seu momento, cun mural de Joseba Muruzabal na parte histórica da vila, e non será o único”.
A edil de Cultura explicou que “en canto á música, contaremos con Narcis Rodríguez, no mes de xullo, e un ano máis co ciclo Soa Forte, no Forte de San Damián. Catro domingos de agosto acollerán as actuacións de Remakers, Beetle Judge, Roma e Astra. Tamén acollemos a programación Orballo Cultural, os días 30 e 31 de xullo, con catro concertos moi especiais que daremos a coñecer nas vindeiras semana. Ademais baixo o abano do Festival Bal y Gay, a música clásica estará representada polo concerto do pianista Javier Perianes, e outro de tipo didáctico para as crianzas. Tamén están previstas actuacións nas residencias de maiores de Ribadeo. Ademais unha das formacións máis senlleiras no eido da música e do baile tradicional, Xacarandaina, actuará tamén da man de Quique Peón o 24 de xullo. A nosa Banda Municipal de Música de Ribadeo ofrecerá os concertos do Día da Patria, de Música de Cine e do Día da Patroa. Mestura de música audiovisual son os dous concertos restantes do proxecto Versión Fin, levado a cabo polo director de cine documental e de ensaio Iván Torres e, na última fin de semana de agosto, farase a proxección ao aire libre na praza de Rinlo, un día, e nos xardíns do Pazo de Cedofeita, o outro”.
Otero Cabarcos seguiu a relatar que “o apartado expositivo tamén é abondoso. Temos exposicións que dun xeito ou doutro xiran arredor do mar. Este mesmo domingo remata a exposición de fotografía submariña do Galeón de Ribadeo. En agosto a oficina de turismo acollerá as pezas de modelismo naval de Baldomero Bellón e no Forte de San Damián teremos oportunidade de ver a colección de cunchas e fósiles de David López. Ademais vai ser impresionante para todos os visitantes do Forte a mostra de fotografía que vai ocupar as súas salas con imaxes de África, centradas na muller africana e no seu papel de nai, o título é A nai que nos paríu e a autoría e de Nacho Samper e Nacho Carballo. Durante todo o verán, xestionadas pola área de Turismo, ofreceranse visitas guiadas, visitas teatralizadas e xeorutas polo noso concello. Pódese obter máis información sobre estas visitas e rutas na web de Turismo do Concello de Ribadeo. Finalmente ocupará a rúa a exposición de fotografías que Xulio Xil lle fixo a Xela Arias, a autora homenaxeada este ano nas Letras Galegas. Ademais una mostra de diferente cariz é a que, tamén en exterior, quere achegarnos a unha alimentación sa, o título é Alimentación cotiá, unha ollada ao pasado e ao presente”.
A concelleria de Cultura dixo que “este ano tamén unha das nosas asociacións máis dinámicas, a Agrupación Cultural Francisco Lanza, celebra os seus cincuenta anos poñendo en valor a cultura galega en xeral e a ribadense en particular, cunha programación que organizada co Concello de Ribadeo, en dous días, vai incluír música, recitados e percorridos culturais. En canto ao teatro para adultos, e ao abeiro do ciclo Escena Norte da Xunta de Galicia, a compañía cántabra Anabel Díez Producciones presentará no noso auditorio municipal La casa de Bernarda Alba. Para as crianzas, este verán xa podemos confirmar a presencia de Pakolas e de Peter Punk, así como o concerto didáctico de música clásica dentro da programación que se fai en colaboración co Festival Bal y Gay”.
Pilar Otero contou que “setembro xa vai ser un mes parcialmente escolar e o Concello quere aproveitar ese período máis tranquilo de comezo das clases para garantir que o maior número posible de nenas e nenos coñeza as artes escénicas. Cos dous colexios de Ribadeo, organizado pola Biblioteca Municipal a través do programa Ler conta moito, imos asistir aos espectáculos de Raquel Queizás Teatro dos Ghazafelhos e Moc Moc Mere Clown. A maiores, eses mesmos centros poderán gozar da exposición Kinético, con pezas articuladas ideadas pola compañía Trécola. Fora do horario escolar, a finais de setembro, a área de Xuventude organiza Orienta Ribadeo, unha proba de aventura para toda a familia”.
A edil ribadense engadiu: “non queremos rematar esta presentación sen agradecer a colaboración de persoas particulares, nomeadamente os artífices das exposicións e á propietaria do Pazo de Cedofeita. Tamén a entidades como a Xunta de Galicia, a través do programa Xacobeo 2021-2022, e a Vicepresidencia da Deputación de Lugo. Ademais teremos algunha sorpresa máis que iremos anunciando ao longo do verán”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
