A Pontenova, 9 de xullo de 2021. O secretario xeral do PSdeG, Gonzalo Caballero, visitou hoxe A Pontenova en compañía do alcalde, Darío Campos, e o puxo en valor a súa “gran xestión”. “Un alcalde comprometido e dedicado plenamente ao seu concello, e un goberno local centrado en atopar solucións aos problemas da cidadanía do concello”, destacou.
Así é que logo de sinalar que tivo que ser a Deputación de Lugo a que apostara pola residencia de maiores que A Pontenova necesita ante a deixadez da política social do goberno galego, o líder do PSdeG requiriu á Xunta “compromiso coa Galicia do medio rural”.
“En Galicia hai un enorme déficit de prazas en residencias públicas de maiores centros de día e aquí tiveron que ser o alcalde o presidente da Deputación os que a poñan en marcha”, subliñou, antes de concluír que “onde a Xunta non cumpre, fánno as administracións socialistas”.
Ademais, Gonzalo Caballero reclamou á Xunta que “reforce a sanidade pública no verán”. “Van pechar máis de 600 camas hospitalarias en verán e segue o recorte na atención primaria, de forma que hai listas de espera en primaria e faltan médicos de cabeceira e pediatras”, evidenciou, e recordou que o goberno galego recibiu este ano do goberno de España máis de 1.100 millóns de euros extra que teñen que servir para “reforzar a sanidade pública”, entre outras cuestións.
Fronte a isto, o dirixente socialista urxiu ao goberno galego a “fortalecer a sanidade pública, dando estabilidade ao persoal e apostando pola atención presencial”. Non esqueceu tampouco que a lista de espera para unha operación ten aumentado 18 días e que hoxe hai que agardar 8 xornadas máis para ver un especialista.
APOSTA POLA GALICIA RURAL
“A Xunta ten que apostar polos servizos públicos, por xerar emprego e por dar futuro á mocidade a carón dos concellos da Galicia rural”, subliñou Gonzalo Caballero, sen deixar de facer fincapé en que o goberno galego ten que “cooperar” cos concellos.
“Queremos unha Xunta do benestar que dea os mesmos dereitos aos galegos e ás galegas con independencia de onde vivan”, reivindicou o responsable socialista, consciente de “todos temos dereito a unha educación de calidade, a unha atención aos maiores de calidade e a unha atención sanitaria de primeira vivamos nun concello rural ou nunha gran cidade”.
En concreto, o responsable do PSdeG reclamou a Feijóo que “deixe de dar as costas á Galicia rural” e de “impedir a súa reactivación”.
A PONTENOVA
Pola súa parte, o alcalde da Pontenova, Darío Campos, agradeceu a visita de Gonzalo Caballero a esta vila da Mariña lucense e o seu interese nas problemáticas da Galicia rural.
No que atinxe ao seu municipio, Darío Campos subliñou a aposta da Deputación de Lugo pola construción dunha residencia de maiores, “a maior demanda que temos”; ao tempo que indicou que “unha das queixas máis importantes” da súa veciñanza é o déficit de servizos sanitarios por parte da Xunta.
“Reducíronse moito as consultas presenciais e sobre todo as persoas maiores necesitan contacto co médico para explicarlle as súas doenzas”, explicou o rexedor, ao tempo que criticou que o relevo constante de profesionais sanitarios ocasiona tamén “perda de confianza” na cidadanía.
Finalmente, tanto o alcalde como secretario xeral do PSdeG coincidiron en reclamar á Xunta a ampliación do polígono industrial da Pontenova para xerar emprego na bisbarra.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
