Ribadeo, 21 de xullo de 2021. Nas últimas horas foi inaugurada no Forte de San Damián a exposición titulada Cunchas, Fósiles e Insectos de David López. A mostra poderá visitarse ata o 25 de xullo en horario de 11:30 a 13:30 e 18:30 a 20:30 horas, agás a fin de semana que só estará aberta pola tarde. A concelleira de Cultura, Pilar Otero, anima á veciñanza e aos turistas a ver e a disfrutar desta mostra.
Otero Cabarcos dixo: “inauguramos a exposición de Cunchas, fósiles e insectos de David López que durará ata o 25 deste mes. Só é esta semana, por cuestións loxísticas, pero seguro que vai aproveitar aos visitantes. O horario de mañá é de once e media a unha e media e pola tarde de seis e media a oito e media, agás a fin de semana que só é pola tarde. Desde a Concellaría de Cultura estamos seguros de que vai ser moi interesante e vai espertar a curiosidade non só nos máis pequenos senón tamén incluso aos maiores. Merece a pena vir vela así que recomendamos visitala a todos, á xente que estea de paso ou á ribadense”.
O autor da mostra, David López, explicou que “eu intentei facer unha exposición que lograse dous obxectivos. Un deles é que a mostra fora interesante, por iso collín especies e fósiles da zona, e por outro lado que fose vistosa con especies de mares tropicais, de zonas abisais, etc… Eu penso que á xente que veña lle vai gustar non soamente pola rareza dos exemplares senón porque tamén son moi interesantes. Poderá ver, por exemplo, os diferentes tipos de vieiras que hai, todos os tipos de navallas que hai nas costas europeas, etc… Creo que vai ser unha exposición moi bonita e interesante”.
David López contou que “hai aproximadamente dous centos de especies distintas de cunchas. Entre elas se poden ver especies de augas frías, de zonas árticas e tropicais e tamén algunha especie que se pode coller aquí de zonas practicamente abisais. De bolboretas escollín algunha especie vistosa e que se poida explicar algunha característica delas, como por exemplo porque teñen os colores e as formas e tamén hai unha sección dedicada ás especies de aquí. De fósiles hai algo representativo das distintas épocas, paleozoico, mesozoico e cenozoico, para que se poida explicar como van evolucionando as especies, como se van extinguindo e como fosilizan. Diso se trata, de que sexa unha exposición vistosa e á vez interesante”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
