Esta noite, mentres as conciencias durmían e os pesadelos espertaban, foi podado un dos emblemas naturais máis importantes de Viveiro. Non aprendimos nada dunha pandemia provocada pola raza depredadora que somos, e seguimos sendo incapaces de ver a importancia da sostenibilidade e o ecosistema para a vida.
¡Qué temos políticos que levan a Terra no estómago e non no Corazón ou aCcachola xa o sabíamos! ¡Qué vendemos patrimonio natural e cultural que desfacemos a pesar de dicir que “se pon en valor” tamén o coñecemos! ¡Qué pasamos do tema da economía ligada á transformación de mar e monte desprezando as nosas riquezas, outra!
Pero detalles como o acontecido ontes, unha árbore senlleira e catalogada, podada sen estudo previo e na peor data estacional para tal actuación, pode que sexa un posible delito medioambiental, dí todo. Estamos ante claro exemplo de como se actua na comarca, e do atraso social que temos, da “tala tola” do parque a isto. Semella curioso que aquí a escasos kilómetros aconteceu a primeira festa da árbore coñecida a nivel mundial, co rexedor Luis de Luaces en Mondoñedo cara a 1569, onde cada veciño prantaba 3 frutais case en obriga, xa antes en 1503 unha ordenanza sancionada a aqueles que contaran de máis robles ou castaños. ¡Qué fumos e que somos, isto nun planeta respectuoso e cívico non acontecería!
Un veciño, vello xigante olvidado que o vemos como parte da paisaxe sen darnos conta das súas dimensión. Ciprés ou Alcipreste de Monterrey, tamén denominado de California, e pola sua ubicación da Misericordia (Cupressus Macrocarpa), cunha altura de entorno ós 32 metros. Foi prantado hai 100 anos ou máis polo indiano Ramón Pernas Rodríguez, cara 1920. Está catalogado como Árbore Senlleira de Galicia coma referencia 39A.
Temos que comezar a protexelo, fancéndolle un estudo da súa saúde, abrindo a súa contorna a recibir más auga e unha balustrada que lle reserve o seu propio espazo privado.
Nunha ocasión un tipo apertábao e dicía que lle daba enerxía, e forza debe ter, porque resiste coma un campión, é un dos seres vivos terrestres máis grandes da comcarca. Amigo es o anciano máis bó, xeneroso e carismático de A Misericordia, nunca protestas a pesar de facerche sufrir.
“Pode que sexas capaz de enganar ós votantes, pero non á atmósfera” Donella Meadows.