Foz, 30 de xullo de 2021. O CD Lugo e o Coruxo FC disputarán a XXXII edición do torneo estival de fútbol Vila de Foz no estadio Martínez Otero o día 4 de agosto, mércores, ás 19:30 horas. Este evento deportivo, que está organizado polo CD Foz coa colaboración do Concello focense, foi presentado hoxe.
O presidente do Club Deportivo Foz, José María García Rivera, manifestou: “para min é unha honra presentar o XXXII Trofeo Vila de Foz porque o ano pasado non puidemos facelo pola pandemia, pero agora, grazas a Deus, imos ver se somos capaces de ver o próximo mércores ese interesantísimo partido entre o Club Deportivo Lugo e o Coruxo Club de Fútbol. Quero darlle as grazas ao presidente do Lugo, Tino Saqués, e ao Coruxo por estar aquí en Foz para disputar este torneo. Agradecer tamén os trofeos feitos por Cerámica Regal, que son marabillosos, moi bonitos e que falan moito da nosa terra. E, como non, ao Concello de Foz hai que agradecerlle a súa implicación, coma sempre, neste torneo, tanto á concelleira de Deportes como ao de Relacións Institucionais e ao propio alcalde”.
José María García Rivera engadiu: “nosoutros somos os que levamos o peso da organización, pero o Club Deportivo Foz é unha institución e sempre está para axudar no que faga falta”.
O concelleiro de Relacións Institucionais, Carlos García Rodríguez, felicitou ao Club Deportivo Foz “por esa volta ao trofeo Vila de Foz, que a pasada tempada por mor das circunstancias sanitarias non se puido levar a cabo, pero volta moi forte este ano, cun Lugo-Coruxo, un partido que vai ser vibrante, no Martínez Otero, no corazón da nosa vila. É un pracer sobre todo recibir ao segundo equipo de Galicia, ao CD Lugo, cun traballo de club moi importante, que vén de facer unha enorme xesta: todos os afeccionados ao fútbol recordamos ese partido vibrante en Vallecas e ese tramo final de liga, no que logrou consolidar por máis dunha década a este gran club da provincia na categoría de prata do fútbol español. Queremos agradecer tamén ao Coruxo a súa presenza no noso pobo e felicitarnos de que un ano máis Foz sexa capital futbolística, con dous grandes equipos”.
Ademais Carlos García Rodríguez destacou que o Club Deportivo Foz “está a facer un traballo excepcional na Rexional Preferente. Desexamos desde o Concello que sexa un gran espectáculo, que se manteñan as medidas, gardando os espazos e ben preparados sanitariamente para desfrutar do noso fútbol. A vida non pode parar e o deporte tampouco, así que grazas a todos e viva o fútbol focense”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
