Site icon Crónica3.com A Mariña

Aprobada unha iniciativa do BNG de Lourenzá para celebrar un concurso morfolóxico do cabalo de pura raza galega

Lourenzá, 17 de xullo, 2021. No pleno municipal da corporación Laurentina do pasado xoves dia 15 de Xullo dende o BNG presentamos unha moción para a creación do “Primeiro concurso morfolóxico do cabalo de pura raza galega en Lourenzá”, para realizarse dito concurso en Setembro-Outubro do presente ano.

Durante as últimas semanas dende o grupo nacionalista mantivemos conversas coa Asociación de Pura Raza Galega (PURAGA), da que saíu a idea da creación de dito concurso así como a posta en valor do proxecto de PURAGA da recuperación do cabalo marchador galego, cunha exhibición de andadura e unha carreira.

A corporación municipal votou a favor de forma unánime, polo que a moción do BNG saíu aprobada e Lourenzá contará este Outono con un dia lúdico dedicado ao noso cabalo.

Dende o BNG Laurentino amosámonos contentos de que se vaian a realizar estes actos que servirán para poñer en valor a cultura e tradición galega, pero tamén para traer xente a nosa vila axudando así ó comercio e hostalería local.

Queremos agradecer o apoio das outras 2 forzas políticas da corporación ó votar a favor, así como do equipo de goberno local.

Exit mobile version