A Mariña, xoves 15 de xullo 2021. Na tarde de hoxe, as responsables comarcais do Bng e Galiza Nova, Ana Ermida e Pilar Vázquez presentaron os actos que terán lugar na Mariña previos á celebración nacional do Día da Patria Galega que baixo o lema “Galiza sen límites” terá lugar en Santiago o 25 de xullo.
Este sábado 17 en San Cibrao, na Praza da Casa da Cultura ás 12 da mañá terá lugar o acto no que ademais da portavoz nacional Ana Pontón intervirán tamén cargos orgánicos e institucionais da comarca coma Ana Ermida, Pilar Vázquez, responsable comarcal de Galiza Nova, Daniel Castro, deputado no Parlamento e Diego Fernández, portavoz municipal en Cervo.
Un acto aberto a todas as mariñás e mariñaos
“Nestes dous últimos anos, difíciles e complexos para a nosa comarca púidose comprobar como as mariñás e mariñaos fomos capaces de exercer a nosa dignidade colectiva coa loita e o traballo de todas e cada unha de nós e de todos os sectores sociais, económicos e produtivos, que resistiron e resisten diante desta pandemia e diante de moitas das discriminacións que as administracións estatal e autonómica tiveron e teñen para esta comarca” Nestes términos expresouse a responsable comarcal Ermida Igrexas, quen convidou tamén a todos os mariñaos e mariñás a compartir esta celebración co BNG o vindeiro sábado en San Cibrao. “Compartimos días de loita na rúa coa sociedade mariñá e o sábado queremos compartir tamén con tod@s este acto lúdico e ao mesmo tempo reivindicativo, tal como dice tamén o lema da celebración “Contigo un Bng sen límites” concluíu Ana Ermida
Desde o BNG comarcal tamén informan que por motivos de protocolo anticovid haberá que acreditarse para acceder ao perímetro donde se celebrará o acto, polo que recomendan ir con antelación.
Galiza Nova despregará unha gran bandeira da Patria nas localidades costeiras – Solidariedade co sector pesqueiro –
Desde Galiza Nova anunciaron o despregue da bandeira patriótica en diversos puntos da comarca durante esta semana, ao igual que se fixera en anos anteriores. A responsable comarcal da formación xuvenil Pilar Vázquez indicou que “estes actos van ter lugar nos concellos costeiros da Mariña, actos en clave de solidariedade co sector pesqueiro, un sector sempre no fío da navalla, vítima sempre de decisións tomadas por administracións nas que Galiza é marxinada e ninguneada, coma nos casos do recente Regulamento Europeo de Pesca ou no reparto de cotas”. “A nosa comarca é altamente dependente da pesca e ninguén pode ser alleo á situación que vive o sector”, afirmou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
