Burela, 21 de xullo de 2021. O alcalde de Burela, Alfredo Llano, mantivo esta mañá unha conversa coas autoridades sanitarias ás que lles demandou a realización dun cribado masivo entre a mocidade. O rexedor agarda que se faga a principios da vindeira semana. Mentres apela á responsabilidade da xente para que cumpra coas normas en vigor, para que se coide e para que acudan a esa chamada do Sergas.
O rexedor explicou que “falei coas autoridades sanitarias para facer xa un cribado en Burela e, polo que falamos, para principios da semana que vén vamos realizar xa cribados masivos á xuventude porque realmente preocupa a cantidade de contaxios, que están subindo cada día. Isto é impresionante, con respecto a outras datas que tamén foron moi preocupantes en Burela, pero agora están subindo dunha forma desbocada. Isto débese a moitos factores, pero hai que procurar que non inflúa tanto e nos corte a normalidade que tíñamos porque as cuestións sanitarias repercuten en todo”.
Alfredo Llano realizou unha chamada á veciñanza: “apelamos á responsabilidade e á conciencia porque hai que darse conta do que está ocorrendo e do que pode repercutir. Hai que parar inmediatamente estes contaxios masivos que está habendo, sobre todo entre a xente máis nova, pero pode repercutir entre outra xente que non estea vacinada ou que só teña unha dose. Polo tanto facemos unha chamada a todo o mundo para que colabore, participe, se responsabilice do que nos estamos a xogar. Desde logo vamos intentar frear a cadea de contaxios o antes posible para que non siga subindo porque senón non sei a onde imos chegar”.
O alcalde dixo que “enn Burela queremos facer o cribado o antes posible e imos tratar de que sexa nos primeiros días da semana que vén, luns ou martes, nun espazo amplo. Buscaremos o mellor sitio posible para que poida acudir a máxima xente que chamen e facelo da mellor maneira posible”.
Llano amósase preocupado: “é preocupante no conxunto da Mariña e tamén en Burela e imos ver se colaborando entre todos reducimos a cadea de contaxios e despois conseguir ter o menor número de casos posibles na comarca”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
