Santiago de Compostela, 8 de xullo de 2021. A Xunta lamenta as declaración do ministro de Consumo, Alberto Garzón, animando aos cidadáns a consumir menos carne, cando por parte do Goberno galego, en colaboración co sector, hai un esforzo firme e decidido por impulsar os nosos sectores primarios e nomeadamente o da carne. Nesa liña, celebramos a postura do ministro de Agricultura, Pesca y Alimentación (MAPA), Luis Planas, que si aposta por fomentar o consumo de carne entre a sociedade española.
Así, a Xunta considera que é precisa a colaboración das administracións públicas para promover o sector cárnico, que ten un peso moi importante na nosa economía. De feito, por parte da Xunta estamos elaborando unha Estratexia de dinamización do sector da carne, como xa se fixo co do leite e como se está a facer co do viño, en estreito contacto cos axentes destes ámbitos produtivos. Facémolo por responsabilidade, conscientes da capacidade de xeración de riqueza e emprego que ten este sector, e sempre cun enfoque sustentable. Nesa dirección, cabe destacar que esta Estratexia contemplará un amplo programa de iniciativas pensadas para impulsar este sector primordial do noso agro, incentivando aos produtores e fomentando o consumo de carne.
Así, dende a Consellería do Medio Rural compartimos a inmensa preocupación amosada polos axentes do sector cárnico galego e español diante da desafortunada intervención do ministro do Consumo e considerámola “inxusta e fóra de lugar”. Así, reafirmamos o noso apoio e colaboración para cos seus axentes (gandeiros, industria e distribución), tal e como defende o ministro de Agricultura. Nesa liña, seguiremos cooperando para reforzar a mensaxe clara cara aos consumidores de que a carne galega e española é un produto de primeira calidade, san e seguro, recomendable e saboroso, que cómpre seguir fomentando e apoiando. Nese senso, somos contundentes co apoio aos gandeiros galegos, plenamente concienciados co coidado do medio ambiente e a sustentabilidade.
Apoio da Xunta
O apoio da Xunta ao sector da carne é palpable e así se amosa no feito de que 4.621 produtores de gando vacún recibiron preto de sete millóns de euros en axudas directas do Goberno galego para sufragar parte das perdas derivadas da covid-19. Así mesmo, a rede Mercaproximidade continúa activa ofrecéndolles aos gandeiros de vacún -entre outros- a posibilidade de vender os seus produtos nas principais cadeas de distribución que operan en Galicia. Do mesmo xeito, as súas producións foron incluídas nas compras solidarias efectuadas pola Xunta para cederlles a hospitais, bancos de alimentos ou cociñas económicas.
Por último, cómpre destacar que Galicia conta con diferentes selos de calidade diferenciada vinculados ao sector, como son as indicacións xeográficas Ternera Gallega, Vaca e Boi de Galicia e Lacón Galego, que contan co amparo das institucións europeas como distintivos de máxima calidade e que acadaron, grazas ao esforzo de gandeiros, industria e distribución, un notable prestixio nos diferentes mercados nacionais e internacionais. En total, segundo datos de 2020, engloban 9.559 produtores e 143 industrias, cun valor económico global próximo aos 127 millóns de euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
