Viveiro, 8 de xullo, 2021. No día de hoxe tivo lugar un encontro entre a Xunta Directiva de ASPANANE e a concelleira do BNG en Viveiro, Míriam Bermúdez, á que tamén asistiu o Deputado no Parlamento Galego, Daniel Castro e membros da asamblea do BNG en Viveiro.
En dita reunión fóisenos trasladado o malestar da Xunta Directiva ante a paralización das xestións para a adquisición do colexio vello de Celeiro e ante o rexeitamento da TXSS de ceder a instalación, co consecuente retraso no proceso iniciado fai máis de 2 anos.
O proceso para adquisición, viña de iniciarse no pasado mes de abril, cando se levou a cabo a taxación do edificio. Tres meses despois tanto a Xunta Directiva como o BNG, non teñen información algunha de terse levado a cabo ningunha xestión a este respecto, descoñecendo se o documento da taxación está elaborado ou se xa está en mans do Concello de Viveiro.
A Asociación de pais e nais de Persoas con Discapacidade Intelectual de Viveiro leva anos demandando á administración local e autonómica a ampliación da súa sede actual en Celeiro para dotala dunha residencia. As necesidades da asociación vense incrementadas nos últimos anos, tal e como reflexa o aumento de solicitudes de prazas para novxs usuarixs, a falta de espazo e de recursos para unha atención integral e de calidade, que se veu máis evidenciada ca nunca coa situación e esixencias da pandemia. Neste sentido cómpre ter en conta o aumento da lonxevidade e o envellecemento prematuro das persoas con discapacidade intelectual, e que as persoas usuarias de Aspanane son todas adultas, algunhas delas entradas xa na terceira idade. Con 19 usuarixs cunha gran dependencia no centro de día máis 40 usuarixs do centro ocupacional, a creación dunha residencia é unha urxencia que non se pode permitir que pasen outros tres anos de “negociacións”, pois o tempo apremia para as persoas con discapacidade intelectual de Viveiro e de parte da Mariña, como tamén para aquelas familias que ven pasar o tempo sen institucións ás que recurrir para atender as necesidades dos seus fillos e fillas.
Á vista da incertidume e a grande preocupación que provoca ás familias o estado de parálise no que se atopa o expediente do inmoble propiedade da TXSS, desde o BNG solicitaremos de novo ao goberno local “se informe por parte da alcaldía, do estado actual dos trámites para a cesión do colexio vello Celeiro e todo o que ten haber con este proceso” xa que no pasado pleno de xullo a Alcaldía non respondeu a esta pregunta, impedindo unha vez máis o acceso á información xs membros da corporación que se suma á anterior limitación de acceso por 5 días ao expediente onde se atopa a documentación deste procedemento.
Dende o BNG no Congreso, preguntarase a través de Néstor Rego polo estado da citada taxación, así como a petición dunha copia deste documento.
Cómpre resaltar que a Xunta Directiva solicitou hai meses a celebración dunha mesa de traballo na que estivesen representadas as tres administracións implicadas no proceso de adquisición da escola vella de Celeiro e que a día de hoxe non se lles ten traslado resposta oficial por ningunha das administracións, evidenciando unha vez máis a falta de interese para salvar esta situación de emerxencia na que viven as familias de Aspanane.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
