Ribadeo, 1 de xullo de 2021. A Área de Economía, Turismo e Desenvolvemento Local organiza este verán 10 percorridos guiados gratuítos, a través dos que se poderá descubrir o importante patrimonio natural e cultural de Ribadeo. Trátase dunha serie de rutas para todos os públicos, nas que se mostrarán aspectos moi diversos tanto dende o punto de vista natural como cultural. No acto de presentación participaron o alcalde, Fernando Suárez, o concelleiro de Turismo e Desenvolvemento Local, Pablo Vizoso, e a técnica de Turismo do Concello ribadense, Begoña García.
Vizoso Galdo explicou que “este ano, como novidade incorpóranse novos percorridos guiados, como o do Ribadeo Antigo co que nos trasladaremos a tempos pasados, de segredos lendas e historias, para ver esta vila con outros ollos. E tamén teremos novas Xeorutas. Neste caso a protagonista será a Ría de Ribadeo, descubriremos a súa orixe, a súa evolución e as formas que xerou nesta a erosión mariña e fluvial”.
O edil ribadense indicou que “como produto estrela este verán contaremos con 2 visitas teatralizadas, una polo Ribadeo Ilustrado e outra polo Camiño do Encanto. A do Ribadeo Ilustrado, da man do grupo de teatro Os Quinquilláns, descubriranos un dos momentos de maior auxe económico de Ribadeo, no que o seu porto alcanzou unha posición de primeiro nivel no Cantábrico Hispano. Comezará o 15 de xullo e terá lugar todos os xoves de xullo, agosto e setembro ás 20.30 horas. E coa do Camiño do Encanto percorreremos algúns dos atractivos máis singulares do interior de Ribadeo: o Pazo de Cedofeita, as Pegadas do Encanto e o Santuario de Nosa Señora das Virtudes con relatos teatralizados, que nos permitirán afondar nos valores e historia do patrimonio interior de Ribadeo. Esta visita será o 18 de xullo, o 1, o 15 e o 29 de agosto ás 10:30 horas”.
O concelleiro de Turismo e Desenvolvemento Local dixo que “nos camiños, que percorreremos en autobús, poderemos apreciar todos os valores de Ribadeo asociados ao mundo da gandería e a agricultura, culminando na praza de abastos para ver de cerca os froitos da nosa terra”.
RIBADEOXNATURAL
Dende o punto de vista natural darase unha ampla visión do importante patrimonio xeolóxico presente ao longo de todo o litoral, que vai dende o conxunto de arcos rochosos máis importantes da península ata a maior estrutura xeolóxica da mariña lucense. Así, organízanse desde o Concello de Ribadeo 4 Xeorutas.
1. Xeo-ruta dos Arcos para explorar o conxunto de arcos rochosos máis importante da península Ibérica.
Xullo: xoves 8 e 22.
Agosto: martes 10 , xoves 12, martes 24 e xoves 26.
Setembro: martes 7
Setembro: xoves 9 e venres 10 (Edición especial)
Duración: 45 minutos. Distancia a pé: 1,5 quilómetros. Dificultade: baixa.
Punto de encontro: Punto de Información Turística da Praia das Catedrais.
2. Xeo-ruta da Ría para descubrir a orixe da ría de Ribadeo, a súa evolución, e as formas que xerou nesta a erosión mariña e fluvial.
Xullo: xoves 1, martes 6 e martes 20.
Agosto: martes 3, xoves 5 e martes 17.
Setembro: xoves 2.
Duración: 3,5 horas. Distancia a pé: 6,5 quilómetros Dificultade: baixa.
Punto de encontro: Oficina de Turismo de Ribadeo
3. Xeo-ruta dos Pregues para mostrar unha das maiores estruturas xeolóxicas da Mariña Lucense, o gran pregue que se estende dende a Ría de Foz ata Ribadeo.
Xullo: xoves 29
Agosto: martes 31
Duración: 3 horas. Distancia a pé: 4 quilómetros. Dificultade: baixa.
Punto de encontro: na área recreativa da Areosa (Piñeira).
4. Xeo-ruta do Ollos para gozar dos tesouros xeolóxicos deste treito litoral e do fermoso pobo mariñeiro de Rinlo.
Xullo: xoves 15 e martes 27.
Agosto: xoves 19.
Duración: 3 horas. Distancia a pé: 5 quilómetros. Dificultade: baixa.
Punto de encontro: praza de Santa Catarina en Rinlo.
*Os horarios están en función das mareas, consultar durante a reserva.
RIBADEOXCULTURAL
A través de 4 roteiros guiados e interpretados e 2 visitas teatralizadas, poderase gozar do fascinante patrimonio cultural e etnográfico presente en cada recuncho da vila e tamén do interior do Concello:
1. Visita teatral ao Ribadeo Ilustrado da man do grupo de teatro Os Quinquilláns.
Xullo: xoves 15, 22 e 29
Agosto: xoves: 5, 12, 19 e 26
Setembro: xoves 2 e 9
Punto de encontro: diante do Concello
Hora: 20.30 horas
Duración: 1 hora
2. Visita teatralizada ao Camiño do Encanto.
Xullo: domingo 18
Agosto: domingo 1, 15 e 29
Punto de encontro: Oficina de turismo de Ribadeo (desprazamento en minibus gratuíto)
Hora: 10.30 horas
Duración: 2,5 horas
3. Visita guiada ao Santuario de Nosa Señora das Virtudes.
Xullo: luns 5, 12, 19 e 26
Agosto: luns 2, 9, 16, 23 e 30
Punto de encontro: Santuario de Nosa Señora das Virtudes na Ponte de Arante.
Hora: 11.30 horas
Duración: 1hora
4. Visita guiada ao “Ribadeo Indiano”.
Xullo: mércores 7, 14, 21 e 28.
Agosto: mércores 4, 11, 18 e 25.
Punto de encontro: diante da Oficina de Turismo de Ribadeo
Hora: 11.30 horas
Duración: 1hora
Visita guiada ao “Ribadeo Ilustrado”.
Xullo: venres 2, 9, 16, 23 e 30.
Agosto: venres 6, 13, 20 e 27.
Punto de encontro: diante da Oficina de Turismo de Ribadeo
Hora: 11.30 horas
Duración: 1 hora
5. Visita guiada ao “Ribadeo Antigo”.
Xullo: sábado 10, 17, 24 e 31
Agosto: sábado 7, 14,21 e 28
Punto de encontro: diante da Oficina de Turismo de Ribadeo
Hora: 11.30 horas
Duración: 1hora
Pablo Vizoso sinalou que “todas estas actividades serán de balde. As prazas son limitadas. É preciso reservar na sección de Momentos na páxina web: turismo.ribadeo.gal As persoas interesadas en obter máis información poden dirixirse ao seguinte número de teléfono: 982 128 689. Vanse manter todas as medidas hixiénico sanitarias por mor do covid 19”.
E engadiu que “para completar esta oferta cultural a partir do 5 de xullo o Concello, en colaboración co alumnado/traballador do Obradoiro de emprego Ribadeo alén do Camiño, mostrará ao público os encantos artísticos do Santuario de Nosa Señora das Virtudes, que conserva un rico patrimonio en pinturas murais tardo-medievais. A ornamentación pictórica levouse a cabo mediante a técnica do fresco”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
