Viveiro, 14 de xuño de 2021. O Concello de Viveiro reivindica este 14 de xuño do Día Nacional das Linguaxes de Signos Españolas, unha materia coa que o goberno local liderado por María Loureiro está especialmente sensibilizado e na que desenvolve múltiples iniciativas.
O municipio conta co proxecto “Viveiro Inclúe”, co que o goberno local pretende realizar todo o traballo necesario para que todas as persoas, sen importar posibles diversidades funcionais, poidan vivir dun xeito máis fácil en Viveiro. As actividades están coordinadas dende a concellería de Cultura, que dirixe Lara Fernández Fernández-Noriega; e a concellería de Benestar, responsabilidade de Victoria Baamonde.
Entre as propostas, o Concello de Viveiro puxo en marcha recentemente un curso de Linguaxe de Signos dirixido a docentes e persoas relacionadas coa diversidade funcional en diferentes sectores educativos. A formación está impartida por Miriam Aller, de Entresignos, e rematará este venres 18 de xuño, tras 40 horas de aprendizaxe.
“O obxectivo con este tipo de accións é darlle ferramentas á sociedade nesta materia para poder dirixirse a persoas que necesiten unha comunicación diferente”, subliña Lara Fernández Fernández-Noriega, concelleira de Cultura de Viveiro.
Outra das iniciativas que posiciona a Viveiro como un municipio pioneiro na linguaxe de signos é a recente adquisición de mochilas vibratorias Subpac, en colaboración coa Fundación ‘La Caixa’ e CaixaBank. Estas mochilas permiten á comunidade xorda acceder á programación cultural municipal.
Alén destas iniciativas, a sensibilización sobre a linguaxe de signos impulsada polo Concello de Viveiro tamén chega á infancia. O goberno local organizou recentemente un contacontos sobre a diversidade funcional, e en concreto sobre a xordeira, da man de Paula Gándara.
“Seguiremos traballando todo o que poidamos nesta liña, porque cremos que a nosa obriga como goberno local é incluír a todas as persoas que teñen calquera tipo de necesidade”, afirma a concelleira de Cultura.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
