Burela, 10 de xuño de 2021. A Secretaria Provincial e Deputada Autonómica, Patricia Otero, avanzou hoxe que rexistrou unha batería de iniciativas parlamentarias co fin de reclamar ao Goberno de Feijóo a que, de xeito urxente, se repoña o servizo de medicina e enfermería do centro de saúde de Burela, cubrindo todas as prazas que a día de hoxe se atopan vacantes con persoal estable, que permita prestar unha atención de calidade aos doentes deste centro de saúde.
Otero, presentou esta iniciativa, tras coñecer a través das veciñas e veciños de Burela a situación na que están a ser atendidos os usuarios deste centro sanitario. “Diariamente comprobamos que o Goberno do PP opta na provincia de Lugo polos peches de centros de saúde ou pola non cobertura das baixas dos profesionais sanitarios de atención primaria”, lamentou.
Así as cousas lembrou que en xaneiro de 2020 o Sergas anunciaba que o Centro de Saúde de Burela abriría, e pasarían consultas polas tardes a partir do mes de febreiro, en horario de 14:00 a 21:00 horas de luns a venres e para iso contrataríanse tres novos profesionais. Concretamente un médico de familia, un profesional de enfermería e unha persoa de servizos xerais. “Pero unha vez máis a realidade é que a día de hoxe a axenda do médico de tarde está pechada ata finais de ano, e os seus pacientes terán citas polas mañás e co médico que lles toque ese día”, advertiu.
3 médicos para aos máis de 10.000 veciños e veciñas de Burela
“Esta mesma semana só hai 3 médicos, porque unido á non cobertura do profesional da quenda de tarde, súmaselle agora que dous profesionais se atopan en Incapacidade Temporal e outro de permiso por asuntos propios. Polo tanto, hai tres médicos para atender aos máis de 10.000 veciños e veciñas de Burela”.
Nesa liña remarca que o Grupo Parlamentario Socialista xa se fixo eco destas baixas. “Escoitamos as críticas dos veciños e veciñas que se queixan de que non conseguen cita na quenda de tarde, situación que xa vimos denunciando dende principios de ano, e agora sumase tamén as queixas dos sanitarios que din chegar a unha situación límite esta semana, xa que dos 7 médicos adscritos a este centro de saúde só están en activo, agora mesmo son 3”.
Denuncias dos profesionais sanitarios
Hai que lembrar que os profesionais sanitarios “levan denunciando e reclamando melloras perante as autoridades da Área sanitaria Lugo-A Mariña-Monforte de Lemos, por considerar que nestas condicións é imposible prestar unha atención médica de calidade aos pacientes. Pero unha vez máis estas reclamacións caeron en saco baleiro”, relatou Otero.
Na enfermería a situación tamén é moi preocupante
No que se refire ao eido da enfermería a situación tamén é moi preocupante. “No centro de saúde de Burela existen dúas enfermeiras con praza e dous substitutos, no cadro de persoal, pero dous destes profesionais atópanse de baixa médica e só se lles cubre en días soltos. Estes profesionais en activo neste servizo teñen unha carga tremenda de traballo, xa que teñen que asistir a moitos domicilios, realizar test covid-19 ou vacinas a domicilio etc”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
