Burela, a 5 de xuño de 2021.- O PP de Burela segue a defender os intereses da veciñanza ao presentar unha alegación contra a ordenanza municipal para o valado e peche de fincas, unha normativa que consideran “ben intencionada, pero pouco madurada e que o único que fai é gravar máis a economía da veciñanza de Burela ao tratar de tapar con ela as vergoñas do goberno do Sr. Llano no referente á ausencia da xestión da biomasa nos numerosos solares que están, como se di de forma coloquial, a bravo, no casco urbano da nosa vila”.
Dende o PP din que “presentaron esta alegación no Concello debido ás graves irregularidades detectadas no procedemento á hora de levar a cabo a tramitación da ordenanza destinada ao valado e peche de fincas”. E seguen, “a máis importante, a ausencia de consulta popular previa, tal e como ditamina a lexislación vixente, para recoller o sentir da veciñanza ao respecto”.
“Esta é a forma de gobernar que ten o Sr. Llano, sempre tomando decisións de costas aos veciños e veciñas da nosa vila, tal e como xa ten sucedido, por exemplo, no tocante ás bases que regulaban as fracasadas axudas ao tecido comercial local ou o traslado do mercado semanal ata o lugar de Torrentes”, puntualizan.
Os populares téñeno claro, “deste xeito o Sr. Llano e o seu equipo volven a vulnerar os dereitos, unha vez máis, da veciñanza”. “A nós non nos pilla por sorpresa, xa denunciamos en numerosas ocasións a súa total e absoluta falta de transparencia ao longo deste mandato”.
“Descoñecemos a quen culpará nesta ocasión o Sr. Llano por esta nova grave irregularidade detectada, e denunciada polo PP, no tocante á ordenanza para o valado e peche de fincas. O que si temos claro é que o procedemento polo que se levou a cabo a mesma, tal e como reflicte a lexislación vixente, é nulo de pleno dereito. Supoñemos que cando, neste último pleno, o Sr. Llano nos convidou a pasar polo Concello para ver como traballaban el, e o seu equipo, non estaría pensando en amosarnos estas neglixencias continuas que teñen á hora de proceder”, conclúen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
