Mondoñedo, 13 de xuño, 2021. O GDR-1 Terras de Miranda financia a través do programa Leader 2014-2020 a primeira fase da creación do Espeleoparque da Mariña, da man da Federación Galega de Espeleoloxía con sede en Mondoñedo, que se encargará do desenrolo do proxecto.
Este venres o GDR e a Federación mantiveron unha reunión no Pazo San Tomé de Mondoñedo cos alcaldes de Mondoñedo, Burela, Foz e Alfoz e algún técnico de turismo de estos concellos para avanzar con este proxecto.
A figura do Espeleoparque é un concepto novidoso e non existen experiencias como tal no ámbito nacional, consistindo nun territorio con unha superficie o suficientemente grande para permitir o desenvolvemento económico local, que inclúe un número de sitios representantivos relacionados coas covas e cos sistemas cársticos, non só relacionados co territorio xeolóxico e paleontolóxico, senón tamén aqueles de interese arqueolóxico, ecolóxico, histórico e cultural.
O Espeleoparque da Mariña, partindo dun territorio inicial formado polos concellos de Mondoñedo, Alfoz, Burela e Alfoz é capaz de aglutinar as diferentes formas xeolóxicas vinculadas co mundo soterrado, para con isto, definir un área de estudo e divulgación que sirva para desenrolar rutas a partir de estes “xeositios” e ofertar recursos a empresas de turismo que busquen calidade e turismo de contidos.
Nesta primeira fase realizaránse a identificación e xeoposicionamento dos distintos puntos de interese a nivel local, avaliación dos puntos de interese, contemplando a conservación e posta en valor dos recursos coidando e conservando o medio e por último o deseño dunha ruta inicial central da que sairán outros roteiros asociados que partan desta columna vertebral.
O obxectivo é diversificar a oferta turística do territorio poñendo en valor os recursos endóxenos do mesmo. O espeleoparque permitirá o desenrolo de visitas educacionais, turismo científico espeleolóxico (espeleoturismo), visitas de investigación e visitas recreacionais e deportivas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
