Viveiro, 24 de xuño de 2021. O Concello de Viveiro informa que continúa a realizar xestións con respecto ao muelle de Viveiro, buscando a mellor opción para os veciños e veciñas de Viveiro.
Portos de Galicia ofrece a posibilidade de asinar un convenio temporal por un periodo de catro anos, cunha posible prórroga por outros catro anos. Neste acordo establécese que o concello debe asumir, entre outras obrigas, a responsabilidade de mantemento e conservación das instalacións e entregando o muelle no mesmo estado no que se atopa agora.
Evidentemente, o goberno local entende que esta zona ten que derivar no Concello de Viveiro. Porén, o estado actual da área, bastante deplorable, implicaría que a súa cesión debería realizarse tras o seu arranxo.
O Concello de Viveiro está realizando as tramitacións con Costas para levar a reversión do peirao a favor de Costas, propietaria desa zona, e realizar posteriormente unha posible desafectación ao concello para evitar, así, ter que asumir todos os gastos de arranxo previo e mantemento que pretende Portos de Galicia mediante a sinatura do convenio proposto.
Portos manifestou que non vai realizar ningún arranxo, porque se trata dun aparcamento gratuito e considera que as obras de arranxo previo e de mantemento corresponden ao concello. Polo tanto, o goberno local está tramitando con Costas a posible reversión do muelle de Viveiro, xa que se entende que non ten actividade portuaria e esta sería a única maneira de que este espazo se poida arranxar sen implicar un coste económico para o concello.
O Concello en ningún momento se nega a realizar as labores de mantemento, pero se entende que a cesión debe realizarse en bo estado.
Reunión do Concello de Viveiro coa Presidenta de Portos de Galicia
Hai quince días, representantes do goberno local desprazáronse a Santiago de Compostela para reunirse coa Presidenta de Portos de Galicia. Na xuntanza estiveron presentes a Alcaldesa de Viveiro, a Secretaria Municipal, o Arquitecto de Obras Municipais e o Director de Costas de Lugo.
Nesta reunión explicouselle á Presidenta de Portos, á quen se agredeceu a celeridade coa que sempre recibe ao concello, a intención do goberno local, unha cuestión que xa se lle comentara con anterioridade.
O Concello de Viveiro entende que a boa vontade entre as administracións é fundamental e así se lle transmitiu á responsable de Portos. O goberno local subliña que considera a súa proposta como a mellor opción, recalcando o bo facer e consenso habituais nas súas accións. Polo tanto, na reunión explicáronse os trámites actuais do Concello con Costas.
Esta é a razón pola que o Concello de Viveiro non ten asinado o convenio proposto por Portos de Galicia. Non se firmou nada porque aínda se están a realizar trámites con Costas. Doutra banda, segundo o asesoramento recibido polo Concello, aínda que a Presidenta de Portos afirme que a súa sinatura non inflúe, considérase que, dado o prazo de vixencia do convenio, podería dificultar a tramitación e por iso se está á espera, coas tramitacións pertinentes.
O goberno local entende que firmar agora o convenio proposto por Portos de Galicia pode ser máis perxudicial e supoñer unha incoherencia. Ademais, tendo en conta o estado no que se atopa e que neste momento Portos non ten intención de arranxalo, tampouco non dificulta nada.
Representantes de Portos comentaron ao goberno local a existencia de entes privados que querían xestionar ese espazo de forma privativa. Porén, o Concello de Viveiro entende que Portos non chegará a ese extremo, xa que sempre se mostrou colaborativo e dialogante co concello. A zona sempre foi gratuíta e enténdese que debe seguir sendo así.
Por parte do Concello de Viveiro continuarase a traballar como sempre con boa vontade. O goberno local está á disposición de Portos de Galicia, debendo facer constar que dende o cambio na súa presidencia as relacións son máis fluídas e eficaces, así como de calquera outro organismo que pida colaboración. Porén, o Concello de Viveiro recalca que é a súa obriga buscar e valorar cal é a mellor opción para os veciños e veciñas de Viveiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
