A Mariña, xoves 24 de xuño. Diante dos continuos recortes en servizos sanitarios no Hospital Público da Mariña e diante do proceso de perda de servizos na atención primaria, o BNG sigue desenvolvendo iniciativas para poñer freo á liña desmanteladora do PP na sanidade pública.
Restablecer a atención sanitaria en quenda de tarde no Centro de Saúde de Burela
Así, o deputado Daniel Castro presentou unha proposta para restabalecer e garantir a atención sanitaria en quenda de tarde no Centro de Saúde de Burela, que está bloqueada desde hai quince días ainda que o problema vén desde hai tempo xa que hai uns meses trasladouse a un facultativo á quenda de mañá para cubrir unha baixa provocando que a atención polas tardes se reducise a dous días, feito que se agrava ao levar xa dúas semanas suspendidas as consultas de tarde, sen dar ningún tipo de explicacións a usuarias e usuarios. “Se a esto lle sumamos a absoluta falta de de vontade para aumentar a contratación de persoal sanitario para desprazados, compróbase claramente que temos unha comarca infradotada en servizos sanitarios públicos” afirmou Castro.
Mantemento do proceso completo do cribado do cancro de mama no Hospital da Mariña
Aprobouse tamén hoxe na comisión 5ª de sanidade a proposta nacionalista de instar á Xunta a manter o proceso completo do cribado do cancro de mama no Hospital da Mariña, tal como se veu facendo até o momento e sen realizar ningún tipo de derivación a outro hospital. Esta iniciativa do Bng foi presentada a raíz das queixas e demandas de usuarias e usuarios derivadxs ao HULA en casos coma o cancro de mama ou o cancro de colon nos que o proceso de cribado non se completaba no Hospital en Burela.
A aprobación da proposta do Bng saíu adiante por unanimidade despois dunha transacción entre as propostas dos grupos da oposición na que tamén se demandaba repoñer de xeito urxente as dúas prazas de radiólogos vacantes garantindo tamén a atención no propio Hospital da Mariña.
“Agardamos que o acordo acadado hoxe se faga efectivo o antes posible” concluíu Castro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
